Andaluzia

Andaluzia Regiono di Hispania Chefurbo Sevilla 684 234 (2021) Maxim granda urbo Sevilla Oficala linguo Kastiliana (dialekto Andaluziana) Surfaco 87 268 km² km² Habitanti Denseso di habitantaro 8 476 718 (2021) 96,63 hab./km² Guberniestro Juan Manuel Moreno (PP) Reto http://www.juntadeandalucia.es

Andaluzia esas autonoma regiono di Hispania, jacanta sude de la lando. Ol havas frontieri kun Portugal weste, Extremadura e Kastilia-La Mancha norde, e Murcia este. Sude jacas Mediteraneo e Gibraltar.

Kelka fakti pri Andaluzia.

Geografio

Dezerto Tabernas, proxim Almería.

Andaluzia havas entote 87 268 km², okupanta 17,3% de Hispana teritorio. Lua tota surfaco esas poke min granda kam olta di Serbia. Ol esas la maxim sudala ek la regioni di Hispania, havanta terala frontieri kun Portugal weste e Gibraltar sude, e marala frontiero kun Maroko sude.

La reliefo di la regiono alternas monti de tale nomizita "Sierra Morena", basa tereni de tale nomizita "Depresión Bética", e la montoza regiono nomizita "Sierra Nevada", ube jacas la maxim alta monto di la regiono, Mulhacém, kun 3 478,6 metri di altitudo.

Lua dominacanta klimato esas mediteranea, kun sika someri e kolda e pluvoza vintri. En l'alta montopinti di Sierra Nevada nivas dum vintro. En Andaluzia jacas la sola dezerto existanta en Europa: dezerto Tabernas, havanta entote 280 km² e distanta cirkume 30 kilometri norde del urbo Almerías.

La fluvii di la regiono fluas sive vers Atlantiko, sive vers Mediteraneo. La maxim importanta ek li esas Guadalquivir, longa de 657 kilometri, qua naskas proxim Sierra Nevada e debushas proxim Sevilla, che regiono Donaña. Lua baseno okupas 57 071 km². Fluvio Guadiana formacas naturala frontiero kun Portugalana teritorio. Inter la fluvii qui fluas a Mediteraneo la maxim longa esas Guadalhorce, longa de 154 kilometri.

Andaluzia subdividesas en 8 provinci:

• Huelva
• Sevilla
• Kórdoba
• Jaén
• Granada
• Almería
• Málaga
• Cádiz