Benelux

De Wikipedio
Salti al navigilo Irez a serchilo
Emblemo di Benelux.
Mapo di la tri landi di Benelux.

Benelux (Nederlandane: Benelux Unie; France: Union Benelux), akronimo ek la nomo di la tri landi en lia originala lingui (Belgique o België o Belgien, Nederland e Luxembourg), esas uniono ekonomial e politikal inter Belgia, Nederlando e Luxemburgia, qua fondesis per la kontrato Benelux.

Ica tri vicina rejii konstitucala jacas en westal Europa, inter Francia e Germania, ed unionis su pos la duesma mondomilito por krear ekonomial ento plu forta apud vicina landi multe plu granda.

La nomo Benelux nun ofte uzesas komune por vizar ica tri-landa grupo en la feldi geografiala, kulturala, cinematografala, ekonomiala, e.c.

Benelux kovras 74 656 km² e kontenas 29 milion habitanti.

Oficala lingui e repartiso[redaktar | redaktar fonto]

La lingui Nederlandana e Franca esas la du oficala lingui di Benelux e lua institucuri.

De la 29 milion habitanti di Benelux:

  • 81,7 % parolas la Nederlandana, t.e. 23,7 milion homi;
  • 17 % parolas la Franca, t.e. 4,8 milion homi.

Institucuri[redaktar | redaktar fonto]

Depos la kontrato dil Uniono Benelux di 2008, la institucuri di Benelux esas:

  • Generala Sekretarierio qua esas la administrerio di Benelux e stacas en Bruxel;
  • Ministrala Konsilio qua esas la exekutanta institucuro e konsistas ek la ministri pri extera aferi di la tri stati e segunkaze altra ministri;
  • Beleluxana Konsilio ek la direkteri dil temala komisioni di Benelux;
  • Konsultal Interparlamenta Konsilio (anke nomita Parlamento di Benelux) ek parlamentani di la tri stati;
  • Judiciala Korto qua solvas questioni sendita da la nacionala judiciisti, interpretas la Beneluxana legaro, e deliberas pri la interna administrala konstesti.

La kontrato kreis anke Beneluxana Kontoro pri Intelektala Proprieto qua stacas en Den Haag.