Ekonomio di Montenegro
| Ekonomio di Montenegro | ||
|---|---|---|
| Pekunio | Euro | |
| Internaciona organizuri | OMC, CEFTA | |
| Statistiki [1] | ||
| Totala nacionala produkturo (TNP) | US$ 17 173 milioni (2023) | |
| Rango TNP | 159ma[2] maxim granda | |
| Kresko di TNP | 6,34% (2023) | |
| TNP po persono | US$ 27 900,00 (2023) | |
| TNP segun sektoro | agrokultivo 5,5%, industrio 12,5%, servadi 62,2% (2023) | |
| Inflaciono | 3,3% (2024) | |
| Habitantaro sub la povreso-lineo | 20,3% (2021) | |
| Laboro-povo | 241 500 (2024) | |
| Laboro-povo segun okupo | agrokultivo 7,9%, industrio 17,1%, servadi 75% | |
| Chomeso | 14,1% (2024) | |
| Komercala parteneri [1] | ||
| Exportaci (US$) | 3 634 milioni (2024) | |
| Precipua parteneri | Italia 38%, Serbia 13%, Hispania 6%, Slovenia 5%, Bosnia e Herzegovina 4% (2023) | |
| Importaci (US$) | 5 467 milioni (2024) | |
| Precipua parteneri | Serbia 21%, Popul-Republiko Chinia 10%, Germania 8%, Kroatia 6%, Italia 6% (2023) | |
| Publika financi [1] | ||
| Extera debo | 3 643 milioni (2023) | |
| Revenuo totala (US$) | 2 051 milioni (2020) | |
| Spenso totala (US$) | 2 568 milioni (2020) | |
| Noto: Ecepte kande kontree mencionata, valori en ca tabelo esas en Usana dolari | ||
L'ekonomio di Montenegro transitabas a libera merkato. Cirkume 90% de la statala kompanii privatigesis, inkluzite 100% de la banki, telekomuniki e la distributo di fuelo. La lando separis sua ekonomio de Serbia dum l'administro da Slobodan Milošević, e ja havis lua propra centrala banko ante la nedependo. Ante la separo, Montenegro ja havis sua propra Centrala Banko, ed adoptis Euro kom monetaro en marto 2002, malgre la lando ne esar membro dil Europana Uniono. Lua borso kreesis en 1993, e pluforteskis en 2011, kande ol divenis la sola borso di la lando.
En 2007 la lando membreskis Mondala Banko ed Internaciona Monetala Fonduro. La lando negocias sua eniro en l'Europana Uniono. Esanta un ek la 9 landi kandidata al eniro, ed un ek la 6 kun negocii ja apertita, on kredas ke sua eniro eventos adminime en 2028.
En 2022, servadi esis la sektoro kun la maxim granda quanto di kompanii enrejistrita en la lando, 15 496. La sequanta maxim granda sektoro esis endentala komerco, kun 11 200 kompanii, ed engrosa komerco, kun 6 839 kompanii.
Kun 300 km di litoro ed anke montoza regioni, Montenegro esas loko multe vizitata dum vakanci, e turismo nun reprezentas cirkume 25% de la TNP di la lando. En 2020, la pandemio di KOVID-19 afektis la sektoro, e la TNP di la lando diminutis per 15%. Nun, la lando preferas recevar koloki por konstrukto di luxoza hoteli ed instaluri, ed anke por turismala projeti kun granda skalo.
Referi
[redaktar | redaktar fonto]- 1 2 3 Montenegro - The World Factbook - Publikigita da CIA. URL vidita ye 27ma di junio 2025.
- ↑ https://www.cia.gov/the-world-factbook/field/real-gdp-purchasing-power-parity/country-comparison