Mohamed ElBaradei

De Wikipedio
Irez ad: pilotado, serchez
Mohamed ElBaradei

Mohamed Mustafa ElBaradei (araba: محمد مصطفى البرادعى‎‎, Muḥammad Muṣṭafā al-Barādaʿī; 17 junio 1942) esas egiptiana lego-experto e diplomacisto ilqua esis la lasta vice-prezidanto di Egiptia, servinte ye interimala bazo de 14ma julio 2013 til lua demisiono ye 14ma agosto 2013.

Il esis Direktisto-Generala dil Internaciona Atomala Energio Agenterio (IAEA), interguverneria organizuro sub la autoritato dil Unionita Nacioni, de 1997 til 2009.  Il e la IAEA kunganis la Nobel-Paco-Premio en 2005.  ElBaradei anke esas salianta en la westana jurnalaro pro relative recenta politiko en Egiptia, aparte la revoluciono di 2011 qua ekpulsis prezidanto Hosni Mubarak, e la egiptiana coup d'état (statostroko) di 2013.

Personala vivo[redaktar | redaktar fonto]

ElBaradei naskis e kreskis en Kairo, Egiptia.  Il esis un ek kin filii di Mostafa ElBaradei, advokato qua esis chefo dil Egiptiana Advokat-Asociuro.  Mostafa ElBaradei esis anke suportero di demokrata yuri en Egiptia, libera jurnalaro e nedependanta judiciistaro.

ElBaradei esas mariajita kun Aida El-Kachef, docisto lua dum frua puereso.  Li havas du filii: filiino, Laila, legisto qua habitas London; e filiulo, Mostafa, IT-jeristo qua habitas Kairo.  Li anke havas du nepotini, Maya e Nina.

Denaska parolanto dil araba, ElBaradei anke parolas fluante la angla e la franca, e savas "sata germana por komprenesar, adminime en Wien."

Edukeso e frua kariero[redaktar | redaktar fonto]

ElBaradei ganis grado di lego del Universitato di Kairo en 1962, grado di internaciona lego del Institut de hautes études internationales et du développement en Geneve, e doktoreso di internaciona lego del Universitato di New York en 1974.  La titulo di lua tezo esis "La paso-yuro tra stretaji dum paco-tempi".

Lua diplomacala kariero komencis en 1964 en la Ministro di Extera Aferi, ube il servis en la Permananta Misioni di Egyptia al Unionita Nacioni en New York ed en Geneve.  De 1974 til 1978, il esis specala adyunto dil exterlandala ministro.  En 1980, il divenis chefo dil Internaciona Lego-Programo che la Instituto por Eduko e Resercho dil Unionita Nacioni.  De 1981 til 1987, il esis anke profesoro di internaciona lego che la Universitato di New York.

En 1984, ElBaradei divenis seniora stabano che la Sekretariato dil IAEA, servinte kom legala konsilisto (1984 til 1993) ed Adyunta Direktisto-Generala por Extera Relati (1993 til 1997).

Listo di Nobel-laureati pri paco

1901: Dunant, Passy 02: Ducommun, Gobat 03: Cremer 04: IDI 05: Suttner 06: Roosevelt 07: MonetaRenault 08: ArnoldsonBajer 09: BeernaertEstournelles de Constant 10: IPB 11: AsserFried 12: Root 13: La Fontaine 17: IKRK 19: Wilson 20: Bourgeois 21: BrantingLange 22: Nansen 25: ChamberlainDawes 26: Briand &Stresemann 27: BuissonQuidde 29: Kellogg 30: Söderblom 31: AddamsButler 33: Angell 34: Henderson 35: Ossietzky 36: Lamas 37: Cecil 38: Nansen Office 44: IKRK 45: Hull 46: BalchMott 47: QPSW, AFSC 49: Boyd Orr 50: Bunche 51: Jouhaux 52: Schweitzer 53: Marshall 54: UNHCR 57: Pearson 58: Pire 59: Noel-Baker 60: Lutuli 61: Hammarskjöld 62: Pauling 63: Reda Kruco 64: King 65: UNICEF 68: Cassin 69: ILO 70: Borlaug 71: Brandt 73: KissingerLe 74: MacBrideSato 75: Saharov 76: B.WilliamsCorrigan Maguire 77: IA 78: SadatBegin 79: Matro Teresa 80: Esquivel 81: UNHCR 82: MyrdalGarcía Robles 83: Wałęsa 84: Tutu 85: IPPNW 86: Wiesel 87: Arias 88: Paco-korpi 89: Dalai Lamao 90: Gorbachov 91: Suu Kyi 92: Menchú 93: Mandelade Klerk 94: ArafatPeresRabin 95: Pugwash KonferoRotblat 96: BeloRamos-Horta 97: ICBLJ.Williams 98: HumeTrimble 99: MSF 2000: Dae-jung 01: UNAnnan 02: Carter 03: Ebadi 04: Maathai 05: IAEAElBaradei 06: YunusBanko Grameen 07: Al Gore 08: Ahtisaari 09: Obama 10: Liu 11: SirleafGboweeKarman 12: Europana Uniono 13: Organizuro por la Interdikto di Kemial Armi 14: Satyarthi, Malala Yousafzai 15: Quarteto 16: Santos