Operaco Market Garden

De Wikipedio
Salti al navigilo Irez a serchilo
Operaco Market Garden
Waves of paratroops land in Holland.jpg
Soldati lansita per parafali dum l'Operaco Market Garden.
Konflikto: Duesma mondomilito
Dato: de la 17ma til la 25ma di septembro 1944
Loko: Nederlando
Rezulto: Nesuceso por la Westala federiti
Militanti
Flag of the United Kingdom.svg Unionita RejioFlag of the United States.svg Usa
Flag of Poland.svg Polonia
Nederlandana rezisteri
Flag of Canada.svg Kanada
nacional-Socialista Germania
Komanderi
Bernard Montgomery
Lewis H. Brereton
Miles Dempsey
Frederick Browning
Gerd von Rundstedt
Walter Model
Kurt Student
Wilhelm Bittrich
Gustav-Adolf von Zangen
Trupi/equipuri
41 628 lansita kun parafali
1 diviziono di tanki
2 divizioni di infantrio
1 kurasizita brigado
Ne konocata. On kalkulas ke cirkume 20 000 soldati jacis en la regiono lor la komenco dil atako.
Perdaji
de 15 til 17 000 soldati
88 tanki
144 glit-flugili
6 315 til 13 000 soldati
30 tanki ed egidita vehili
159 avioni
La plano pri l'ataki de l'Operaco Market Garden.

L'Operaco Market Garden esis militarala operaco lansita dal Westala federiti en Nederlando en septembro 1944, dum la duesma mondomilito. Lua emo esis kaptar la precipua ponti sur Rheno, do havir aceso a la valo di Rhur, centro industriala di Germania, evintinta la fortifikuri de la lineo Siegfried. Cirkume 100 000 soldati partoprenis en ol. Ol esis la maxim grand operaco di lansado di parafalisti de la milito, ma samatempe la maxim granda nesuceso di la Federiti kontre la Germani.

L'Operaco kreesis pro la rapida e sucesoza avanco di la Federiti en Europa pos desembarkir en Normandia. Ante la desembarko, li kalkulis ke li atingus la frontiero Germana pos 11 monati, ma plu ante, ye la 4ma di septembro, lia trupi atingis Antwerpen. Tamen, la rapida avanco kreis problemi pri provizuro di kombustivi por la vehili de la Federiti: li bezonis 3.5 milion litri di gazolino omnadie, ma la quanti qui arivis a la kazerni esis plu infre, pro problemi di logistiko*, e pro ke la Federiti kontrolis poka artificala portui, dum ke la Germani kontrolis importanta portui e chosei.

La plano esis la kombinuro di du diferanta operaci: l'emo dil Operaco Market esis kaptar la ponti kun la helpo de trupi lansita per parafali, dum ke l'Operaco Garden esis asekurar la ponti kaptita per l'uzo di tanki. L'ideo esis ke la suceso dil Operaci esus la decidigiva atako kontre Germania, qua koaktesus kapitulacar.

Parashutisti recevas la lasta ordeni ante embarkar en l'avioni, ye la 17ma di septembro 1944.

Bernard Montgomery, lore komandinto di Britaniana trupi, kredis ke rapida atako per parafalisti kontre la ponti kontrolita dal Germani rapide duktis la trupi vers Berlin, malgre ke la generalo Dwight D. Eisenhower, lor komandinto dil Usana trupi, desfidis ke la plano esis realista. Ye la 10ma di septembro 1944, Montgomery renkontris Eisenhower en Bruxel, e pledis ke l'atako per fuzei V-2 kontre London du dii ante, indikis ke la bazi di la fuzei jacis en Nederlando. Do, l'invado di Nederlando urjesis.

Montgomery selektis la 17ma di septembro por exekutar l'Operaco Market Garden. Lietnanto-generalo Lewis Brereton selektesis por projetar la maxim granda aerala transporto di trupi de la historio. Tamen, ilu e lua kruo havis nur 1 semano por projetar la detali. Por transportar tra 500 km preske 35.000 parafalisti, preske du foyi la quanto di parafalisti qui desembarkis en Normandia, bezonesis transporto-avioni, avioni por protektar la floto, e furnisar vari a la trupi.

Komence, la Federiti kaptis kelka ponti, ma l'atako kontre la lasta ponto, en Arnhem, Nederlando, esis kompleta nesuceso, e Germani destruktis komplete l'Unesma Diviziono Britaniana Aerale Transportita, e mortigis plua soldati de la Federiti kam en la batalii dum l'invado di Normandia. Market Garden konsideresas taktika vinko Germana, malgre ke Bernard Montgomery konsideris ol 90% sucesoza, pro preske tota emi atingesis, ecepte konquestar Arnhem.