Antigua e Barbuda

Antigua e Barbuda
Antigua and Barbuda
Standardo di Antigua e Barbuda	Blazono di Antigua e Barbuda
Nacionala himno:
Fair Antigua, We Salute Thee
Urbi:
Chefurbo:	St Johns
Precipua urbo:	St Johns
Lingui:
Oficala lingui:	Angliana
Guvernerio:
Tipo:	Monarkio
· Rejino:	Elizabeth 2ma
· Chefa ministro:	Baldwin Spencer
Surfaco: (191ma maxim granda)
· Totala:	442 km²
· Aquo:	neglijebla %
Plusa informi:
Valuto:	Est-Karibeana dolaro
Veho-latero:	sinistre
ISO:	AG
	ATG
	028
Reto-domeno:	.ag*
Precipua religio:	kristanismo

Antigua e Barbuda esas nedependanta stato ed insul-grupo en Karibeano.

Bazala fakti pri Antigua e Barbuda.

Historio

Homi ja habitis Antigua e Barbuda cirkum 2400 aK. Pos, Arawak e Karib indijeni habitis ol. Insulo Antigua nomesis da Kristoforo Kolumbo ye 1493 segun kirko en Sevilla, Hispania, Santa Maria la Antigua (Santo Maria l'Anciena). Pos l'arivo di Europani, indijeni komencis mortar de variolo.

Ye 1632 Britaniani komencis okupar l'insuli. Sklaveso, establisita ye 1684 por furnisar labor-povo a plantacaji di sukrokano, esis abolisita ye 1834. Malgre ta, laboro situeso sejornis mala til 1939, kande aparis sindikato Antigua Trade and Labour Union. La chefo di ta uniono, Vere Cornwall Bird, pos fondis partiso Antigua Labour Party - ALP. Pos Antigua e Barbuda divenar nedependanta ye 1 di novembro 1981 Vere Bird asumis kom chefa ministro, ma Elizabeth 2ma kontinuis esar la chefo di stato di lando.

ALP vinkis elekti ye 1984 ed ye 1989. Ye 2004 Lester Bird, filiulo di Vere Bird, ganis l'elekti. Il kontinuis en povo til 2004, kande lia opozanto Baldwin Spencer ganis l'elekti e divenis chefa ministro.

Politiko

Segun lua konstituco adoptita ye 31 di oktobro 1981 Antigua e Barbuda esas konstitucala monarkio, membro di Commonwealth. Lua rejino (qua esas chefo di stato) esas Elizabeth 2ma di Anglia, reprezentata da general-guverniestro - nune Louise Lake-Tack. La chefo di guvernerio esas la chefa ministro, nune Baldwin Spencer.

La parlamento havas 2 chambri: Senato (kun 17 membri) e Chambro di Deputati (anke kun 17 membri).

Geografio

Satelitala imajo di Barbuda (kapo dil imajo) ed Antigua.

Antigua e Barbuda esas parto di Mikra Antilii, kun Guadelupa (Franciana teritorio) en sudo, Montserrat en sud-westo, St Kitts-Nevis en westo, e Santo Barth en nord-westo. L'arkipelago konsistas en kelka insuli. La precipua (en totala surfaco ed en totala lojanti) esas Antigua, kun 281 km². Barbuda jacas 48 norda de Antigua. La nehabitata insulo Redonda jacas 56 km sudweste de Antigua.

Lua litoro havas 153 km di extenso. Lando ne havas importanta fluvii o lagi. Kultivebla landi reprezentas 18,18% de lua totala surfaco.

La maxim alta monto dil insuli esas Monto Obama, kun 399 metri di altitudo. Monto Obama ante esis nomizita Boggy Peak. La nomo esis modifikita ye 4 di agosto 2009 en homajo a Barack Obama, Usana prezidisto. Nek Barbuda nek Redonda havas importanta monti. La klimato dil insuli esas tropikala kun poka pluvi, kom konsequo de lua basa altitudi. La maxim pluvoza sezono okuras de septembro til novembro. De julio til oktobro on povas okurar uragani e tropikala tempesti. Averajala temperaturo dil insuli esas 27°C dum yaro.

Ekonomio

Plaji di Antigua esas importanta turistal atrakto.

Precipua artiklo: Ekonomio di Antigua e Barbuda

Turismo reprezentas cirkum 50% de KLP di lando. Financala sektoro anke esas importanta. En agrokultivo, la precipua produkti esas sukrokano, kotono e frukti.

Demografio

On kalkulas ke en 2010 totala populo esis 86 754, di qua la majoritato (91%) havas Afrikala acendenti, e 1,7% esas blanka.

Kulturo

Cirkum 90% de la populo savas lektar e skribar. Lando havas du universitati, American University of Antigua (AUA) e University of Health Sciences Antigua (UHSA).