Guangzhou

De Wikipedio
Irez ad: pilotado, serchez
Guangzhou
Diversa imaji di Guangzhou.
Lando Flag of the People's Republic of China.svg PR Chinia
Latitudo 23º08' N
Longitudo 113º16' E
Altitudo 21 metri
Surfaco 3 843 km²
Habitanti 11,070,654 (2010)
Lojanto-denseso 2280.7 hab./km²
Horala zono UTC+ 8
Urbestro Wan Qingliang
Reto: http://www.gz.gov.cn
Mapo
Mapo di Guangzhou

Guangzhou, en Chiniana 广州, historiale konocita kom Kanton o Kwangchow, esas la 3ma granda urbo en totala populo-quanto di Populala Republiko di Chinia. Lua totala lojanti esis 11,070,654 ye 2010 (12.78 milioni en metropolala areo). Lua totala surfaco esas 3 843 km².

Ol jacas cirkum 120 km nord-nord-westale de Hong Kong, ed esas importanta portuo en Perlo fluvio.

Staciono GongyuanQian en urbala fervoyo di Guangzhou.

Lua anciena nomo esis Panyu (番禺) e lua historio komencis kante Qin dinastio konquestis la regiono. Ye 206 aK ol divenis chef-urbo di Nanyue dinastio. Ye 111 aK Han dinastio konquestis l'urbo, e transformis ol en chef-urbo di provinco.

Ye 758 Araba e Persiana pirati spoliis l'urbo. Araba e Persiana mulieri vivis en l'urbo de la 10ma til la 12ma yarcento.

Unesma Europani qua arivis en l'urbo esis Portugalana komercisti, ye 1514. Li nomezis l'urbo Cantão ed establisis komercala monopolo en la portuo ye 1517, ma pose esis ekpulsita de la regiono. Malgre ta, li grantis l'uzado di Makau kom komercala bazo kun Guangzhou ye 1557 e mantenis preske un komercala monopolo til l'arivo di Nederlandani en 17ma yarcento.

Ciel-skrapero en konstrukturo, en Guangzhou.