Itamar Franco
| Itamar Augusto Cautiero Franco | |||
|---|---|---|---|
 |
|||
Prezidisto di  Brazilia |
|||
| Periodo di guvernerio: | de 2 di oktobro 1992 til 31 di decembro 1994 | ||
| Precedanto: | Fernando Collor de Mello | ||
| Sucedanto: | Fernando Henrique Cardoso | ||
| Nask-dio: | 28 di junio 1930 | ||
| Nask-loko: | Ye bordo di Braziliana navo. Enrejistris ye Salvador, Bahia. | ||
| Mort-dio: | 2 di julio 2011 | ||
| Mort-urbo: | Sao Paulo, Sao Paulo | ||
| Profesiono: | injenioro | ||
| Politikala partiso: | Partido da Renovação Nacional - PRN (1989 til 1992) Partido do Movimento Democrático Brasileiro - PMDB (1992 til 2009) Partido Popular Socialista - PPS (2009 til 2011) |
||
Itamar Augusto Cautiero Franco (1930 til 2011) injenioro, esis prezidisto di Brazilia depos akuzo di prezidisto Fernando Collor de Mello ye 1992. Ilu guvernis til 1 di januaro 1995, kande asumis Fernando Henrique Cardoso, elektita ye oktobro 1994.
Il obtenis grado di injenioro ye 1955 en la federala universitato di Minas Gerais e komencis en politiko ye 1958 kande esis elektita komonala konsilero en l'urbo di Juiz de Fora. Pos 1964 stato-stroko en Brazilia il filialigis su a Braziliana Demokrata Movo - MDB, partiso opozanta ad armeala rejimo. En 1980a yari filiagis su a la Partiso di Braziliana Demokrata Movo - PMDB, sucedanto dil MDB, ed esis elektita senatano por reprezentar Minas Gerais. Ye 1986 prizentas su kom kandidato di Liberala Partiso - PL por guberniestro di Minas Gerais.
Kande Fernando Collor de Mello lansis su kom kandidato a prezidisto, il invitis Itamar Franco por esar vice-prezidisto. Itamar aceptis e filiagis su a la partiso por Nacionala rikonstrukturo - PRN - kreita da Collor de Mello. Kande Collor sufris akuzo, Itamar abandonis PRN e rifiliagis su a PMDB.
Dum lia guverno esis lansita Plano Real, por kombatar inflacio. Brazilia chanjis lua pekunio de Cruzeiro Real por Real, inicie kun kurso di kambio stiftita a dolaro di Usa. Suceso di Real helpis l'elekto di lia ex-ministro di Financi, Fernando Henrique Cardoso. Kande Cardoso asumis povo, il indikis por kurta periodo Itamar Franco kom Braziliana embasadisto en Portugal, e pos embasadisto en Organizuro di Amerikana Stati.
Itamar anke esis guverniestro di Minas Gerais de 1 di januaro 1999 til 1 di januaro 2003, ed ye 2010 il esis nove elektita senatano por reprezentar Minas Gerais, ofico ke asumis de 1 di februaro 2011.
Ye 21 di mayo 2011 il deskovris ke havis leukemio, e kelka dii pos il livis senato por kuracar su en hospitalo Albert Einstein, en Sao Paulo. Ye 27 di julio mediki anoncis ke Itamar developis pulmonito e lia saneso dekadis. Malgre l'intensa medicinala helpo, Itamar mortis ye 2 di julio 2011[1] kom konsequo di cerebrala vaskulala stroko[2].
[redaktar] Referi
| Precedanto Fernando Collor de Mello |
Prezidisto di Brazilia 1992 til 1995 |
Sucedanto Fernando Henrique Cardoso |
