Natal (Rio Grande do Norte)

Panoramo di Natal, chef-urbo di Rio Grande do Norte, Brazilia.

Natal Kelk imaji de Natal. Lando Brazilia Stato Rio Grande do Norte Latitudo 05º47'42"S Longitudo 35º12'32" W Altitudo 30 metri Surfaco 170.3 km² Lojanti (2012) 817,590 Lojanto-denseso 4800.9 loj./km² Horala zono UTC-3 Urbestro Carlos Eduardo Nunes Alves (2013-2017) Reto: http://www.natal.rn.gov.br Mapo

Natal esas chef-urbo di Braziliana stato di Rio Grande do Norte. Ol esas importanta turismala centro de Nordestala regiono di Brazilia: ol recevas aproxime 2 milioni turisti omnayare.

Lua klimato esas tropikala, kun poka pluvi. L'averajala temperaturo esas 26 °C.

Historio

Urbestr-domo (Prefeitura) di Natal.

Amerigo Vespucci vizitis la regiono (Kabo di Santo Roque, 32 km norde de nuna Natal) en 1501, ma la regiono standis ne-kolonigita til preske fino di yarcento.

Ye 1597 la general-guvernerio di Brazilia imperis atako a Franciana pirati. La atako esis sucesoza ed, ye 6 di januaro 1598, Jerônimo de Albuquerque fondas la Forteso di Reis Magos (Saja Reji) por defendar la regiono.

Ye 25 di decembro, la vilajo di Natal esas fondita extere la forto. Dum koloniala periodo, lua sabloza sulo impedis la plantaco di sukrokano. Tale, la precipua ekonomikal aktiveso dil urbo esis komerco.

Costeira Strado, en sudo di Natal.

Nune, industrio e turismo esas lua precipua ekonomikal aktivesi.

Plaji en urbo

• Plajo di Areia Preta
• Plajo di Artisti ("Praia dos Artistas")
• Plajo di Mezo ("Praia do Meio")
• Plajo di Fortreso ("Praia do Forte")
• Plajo di Costeira Strado ("Praia da Via Costeira")
• Plajo di Ponta Negra
• Plajo di Redinha