Bento Gonçalves

De Wikipedio
Bento Gonçalves
Bento3.jpg
Edifici en Bento Gonçalves.
Bandeira de Bento Gonçalves.svg Brasão Bento Gonçalves.jpg
Standardo Blazono
Lando: Flag of Brazil.svg Brazilia
Regiono: Suda regiono
Stato: Rio Grande do Sul
Informo:
Latitudo: 29° 10′ 15″ S
Longitudo: 51° 31′ 08″ W
Altitudo: 691 m
Surfaco: 382.5 km²
Habitanti: 112 318 (2014)
Denseso di habitantaro: 293.6 hab./km²
Disto de Porto Alegre: 109 km
Horala zono: UTC-3
UTC-2 dum somero
Urbestro: Guilherme Pasin
Mapo di Bento Gonçalves
Oficala retosituo:
www.bentogoncalves.rs.gov.br
Vino-fabrikerio Salton, en Bento Gonçalves.

Bento Gonçalves esas urbo en Braziliana stato di Rio Grande do Sul. Ol havis 112 318 habitanti en 2014[1]. Lua totala surfaco esas 382.5 km².

Lua precipua ekonomial agadi esas la produktado di vino (ol esas un di la precipua produkteri di vino en Brazilia) e di mobli, e turismo. Ol konsideresas la chef-urbo dil vino en Brazilia.

Lua nomo homajas Bento Gonçalves da Silva, un ek la precipua komandinti di la milito di Farrapos.

Historio[redaktar | redaktar fonto]

En 1875 la princino Isabel de Brazilia donis tereni a 24 familii di Italiana enmigranti, qui originis precipue de Trento e fondis kolonieto nomizita "Dona Isabel" en la regiono. Dum la sequant yari, altra enmigranti arivis, note de Veneto, Trentino e Lombardia.

Ye la 11ma di oktobro 1890 la kolonieto transformesis en urbo e nomizesis Bento Gonçalves, homaje a Bento Gonçalves da Silva, komandinto dum la milito di Farrapos. Dum l'unesma yardeki dil 20ma yarcento l'urbo duris recevar enmigranti. Ultre l'Italiani, ank arivis Poloni, Germani, Suedi, Franci e Hispani.

Anciena lokomotivo, nune uzata nur por turismo.

La ferovoyo inauguresis en 1919 por ligar l'urbo kun Porto Alegre e transportar l'ekonomiala produktado di la regiono. La fervoyo transportis pasajeri reguloze til 1976. Nune ol transportas nur turisti en kurta extenso, de Bento Gonçalves til Carlos Barbosa, en treni movita per olda vaporo-lokomotivi.

En 1950 l'urbo ja havis 22.500 habitanti. Industrial agado expansis, note la sektori di vino, mobli, ledro, kemiala produkturi, metali e mekanikal equipuri. En 1967 organizesis en Bento Gonçalves la Nacionala Ferio pri Vino (Fenavinho). Dum la sequant yari altra nacionala ed internaciona ferii organizesis en l'urbo, exemple la Ferio dil Moblo (Movelsul), e la Komercala Ferio di Bento Gonçalves (Expobento).

Referi[redaktar | redaktar fonto]

  1. (1ma di julio 2014) Estimativa populacional 2014 IBGE (Portugalana). Estimativa populacional 2014. Instituto Brasileiro de Geografia e Estatística (IBGE). URL vidita ye la 29ma di agosto 2014.