Ekonomio di Arjentinia
| Ekonomio di Arjentinia | ||
|---|---|---|
| Pekunio | Peso di Arjentinia | |
| Internaciona organizuri | MOK, Mercosur, UNASUR | |
| Statistiki [1] | ||
| Totala nacionala produkturo (TNP) | US$ 893,31 miliardi (2020) | |
| Rango TNP | 27ma[2] maxim granda | |
| Kresko di TNP | -2,03% (2020) | |
| TNP po persono | US$ 19 700 | |
| TNP segun sektoro | agrokultivo 10,8%, industrio 28,1%, servadi 61,1% | |
| Inflaciono | 25,7% (2017) | |
| Habitantaro sub la povreso-lineo | 35,5% (2019) | |
| Laboro-povo | 18 000 000 (2020) | |
| Laboro-povo segun okupado | agrokultivo 5,3%, industrio 28,6%, servadi 66,1% | |
| Chomeso | 9,84% (2019) | |
| Komercala parteneri [1] | ||
| Exportaci (US$) | 64,18 miliardi (2020) | |
| Precipua parteneri | Brazilia 16%, Popul-Republiko Chinia 11%, Usa 7%, Chile 5% (2019) | |
| Importaci (US$) | 52,14 miliardi (2020) | |
| Precipua parteneri | Brazilia 21%, Popul-Republiko Chinia 18%, Usa 14%, Germania 6% (2019) | |
| Publika financi [1] | ||
| Extera debo | 278,524 miliardi (2019) | |
| Revenuo totala (US$) | 120,6 miliardi (2017) | |
| Spenso totala (US$) | 158,6 miliardi (2017) | |
| Noto: Ecepte kande kontree mencionata, valori en ca tabelo esas en Usana dolari | ||
Arjentinia havas granda quanti di naturala resursi, exemple petrolo, naturala gaso, diversigata agrokultivo kun uzo di moderna teknologio, ed altri. Ol anke havas habitantaro kun alta eduko-nivelo, diversigata industrio ed ekonomio kun granda exportaco.
Plu kam 100 yari ante nun, Arjentinia jacabis inter la maxim developita landi de la mondo. Tamen, ol subisis severa ekonomiala krizi dum la 20ma yarcento. En 2001 eventis la maxim mala krizo de Arjentiniana historio, kun severa deskresko di la ekonomio. La kurso di kambio establisita dum la guvernerio di Carlos Saúl Menem (de 1989 til 1999), ube 1 peso egalesis 1 Dolaro di Usa, finis dizastroze en 2002, dum la guvernerio di Eduardo Duhalde. La TNP falis 18% ta yaro, e 60% de la habitantaro falis sub la povreso-lineo.
Pos 2003, dum l'administrado di Néstor Kirchner, l'ekonomio rekuperis e kreskis durante til 2009, kande ol deskreskis 2,5%,[1] pro l'efekti dil internaciona krizo. L'administrado di Cristina Fernández de Kirchner probis stimular l'ekonomio e kontrolar l'inflaciono. En mayo 2012 la Kongreso di Arjentinia aprobis la rinacionaligo di la petrolo-kompanio YPF, qua komprabis dal Hispana kompanio Repsol dum l'administrado da Carlos Saúl Menem.[1]
Ye la 17ma di decembro 2015 la peso minvalorigis 40%,[3] la maxim granda minvalorigo di la monetaro pos 2002, kande l'alpari kambiala finis.[4] En januaro 2016 ol minvalorigis pluse. To produktis diminuteso dil interna merkato e la chomeso superiris 10%. La monatala inflaciono atingis 6,7% en aprilo ta yaro.
En 2017 l'ekonomio durigis kreskar, preske 3%. La guvernerio facis reformi en la sistemi fiskala e pensionala. Pos restar izolita dum kelka yari, la lando asumis la inicio di gastigar importanta konferi, exemple la renkontro di Mondala Ekonomiala Forumo en Latin Amerika.[1]
La produktado di vino en Arjentinia esas importanta, e la precipua varietato di vitobero uzata esas malbec.
Referi[redaktar | redaktar fonto]
- ↑ 1,0 1,1 1,2 1,3 Argentina - The World Factbook - Publikigita da CIA. URL vidita ye 3ma di aprilo 2022. Idiomo: Angla.
- ↑ Country Comparisons - Real GDP (purchasing power parity) - Publikigita da CIA. URL vidita ye 6ma di novembro 2021.
- ↑ Rebossio, Alejandro (2015): «El final del cepo cambiario: el peso argentino se deprecia el 30 % y amenaza con avivar más la inflación. La liberalización del control de cambios deriva de una fuerte devaluación de la moneda. Argentina libera el control de capitales», artículo del 17 de diciembre de 2015 en el diario El País (Madrid).
- ↑ «El peso argentino recorta pérdidas tras devaluación: la moneda cayó 26 % tras registrar en la mañana su menor nivel desde 2002; el movimiento se debe a la eliminación de los controles cambiarios en la nación sudamericana», artículo del 17 de diciembre de 2015 en el sitio web CNN Expansión (Atlanta).