Ekonomio di Bolivia
| Ekonomio di Bolivia | ||
|---|---|---|
| Pekunio | Boliviano | |
| Internaciona organizuri | MOK, Komunitato di Nacioni Andiana, Unasur, Mercosur | |
| Statistiki [1] | ||
| Totala nacionala produkturo (TNP) | US$ 120 531 milioni (2023) | |
| Rango TNP | 93ma[2] maxim granda | |
| Kresko di TNP | 3,08% (2023) | |
| TNP po persono | US$ 9 800,00 (2023) | |
| TNP segun sektoro | agrokultivo 13,5%, industrio 24,2%, servadi 51,1% (2023) | |
| Inflaciono | 5,1% (2024) | |
| Habitantaro sub la povreso-lineo | 36,40% (2021) | |
| Laboro-povo | 6 859 000 (2024) | |
| Laboro-povo segun okupo | agrokultivo 29,4%, industrio 22%, servadi 48,6% | |
| Chomeso | 3,1% (2024) | |
| Komercala parteneri [1] | ||
| Exportaci (US$) | 11 905 milioni (2023) | |
| Exportaci - precipua produkturi | oro, naturala gaso, precoza erci, zink-erco, nutrivi ek soyo (2023) | |
| Precipua parteneri | Brazilia 15%, India 13%, Popul-Republiko Chinia 11%, Arjentinia 11%, Unionita Araba Emirii 8% (2023) | |
| Importaci (US$) | 12 988 milioni (2023) | |
| Importaci - precipua produkturi | rafinita petrolo, automobili, pest-ocidili, kamioni, plastiki (2023) | |
| Precipua parteneri | Popul-Republiko Chinia 22%, Brazilia 18%, Chili 13%, Usa 7%, Peru 5% (2023) | |
| Publika financi [1] | ||
| Extera debo | 11 174 milioni (2023) | |
| Revenuo totala (US$) | 11 796 milioni (2019) | |
| Spenso totala (US$) | 14 750 milioni (2019) | |
| Noto: Ecepte kande kontree mencionata, valori en ca tabelo esas en Usana dolari | ||
Bolivia esas un ek la maxim povra landi de Latin-Amerika, e la 93ma maxim granda ekonomio de la mondo. Tamen, la lando esas richa en naturala resursi, qui explotacesas de la kolonial epoko, exemple arjento. Lua recenta ekonomiala kresko eventis pro exportaci di naturala gaso a lua vicini, Brazilia ed Arjentinia. Brazilia ed Arjentinia reprezentas cirkume 1/4 de la tota komerco di la lando.
Depos la yari 1970a, Bolivia subisis multa periodi kun alta inflaciono, exemple en 1985, kande l'inflaciego atingis plu kam 20.000%. Ekonomiala reformi diminutis inflaciono a singla cifro dum la yari 1990a. Pos 1987, la valuto di Bolivia nominesas Boliviano, qua remplasis l'olima peso. De 2010 til 2014, l'alta preci di prima materii produktita en la lando posibligis la lando havar ekonomial ecesaji di 6,8% en 2013, e 5,4% en 2014. De 2006 til 2019, dum la prezidanteso di Evo Morales, la TNP po persono duopleskis, e la quanto di individui qui vivis sub povreso-lineo diminutis de 38% til 18%[3]. Gini-indexo anke diminutis de 0,600 til 0,446. Segun l'Instituto Boliviana pri Extera Komerco, en oktobro 2021 la lando havis la min granda inflaciono akumulita. Tamen, dum la fino di 2024, la lando havis la maxim granda procento di inflaciono de la regiono meze granda ekonomiala krizo[4].
Nun, kokao esas la precipua agrokultivala produkturo di la lando. Bolivia esas la 3ma maxim granda produktero di kokao e kokaino, dop Kolumbia e Peru. On kalkulis ke en 2007 existis 29.500 hektari di plantacerii di kokao en Bolivia. Depos 2001, la precipua kultivo legala por exportaco esas soyo. La lando anke exportacas kotono, kafeo e sukrokano.
Referi
[redaktar | redaktar fonto]- 1 2 3 Bolivia - The World Factbook - Publikigita da CIA. URL vidita ye 19ma di junio 2025.
- ↑ https://www.cia.gov/the-world-factbook/field/real-gdp-purchasing-power-parity/country-comparison
- ↑ Evo Morales en route pour un troisième mandat - Publikigita da Investig'Action. Dato di publikigo: 7ma di oktobro 2014. Idiomo: Franca.
- ↑ As Bolivia's big state economic model slowly implodes, fear of 'total crisis' - Publikigita da Reuters. Dato di publikigo: 16ma di decembro 2024. Idiomo: Angla.