Ekonomio di Fidji

De Wikipedio
Irez ad: pilotado, serchez
Ekonomio di Fidji
Pekunio Dolaro di Fidji
Internaciona organismi MOK, G-77
Statistiki [1]
Kuntara landala produkto (KLP) US$ 8 048 milioni (2015)
Rango KLP 163ma[2] maxim granda
KLP kresko 4,3% (2015)
KLP per persono US$ 9 000 (2015)
KLP per sektoro agrokultivo 11.9%, industrio 19.6%, servadi 68.4%
Inflaciono 2.8% (2015)
Habitantaro sub la povreso-lineo 31% (2009)
Labor-povo 347 700 (2015)
Labor-povo segun okupado agrokultivo 70%, industrio e servadi 30% (2001)
Chomeso 8.8% (2014)
Komercala parteneri [1]
Exportacaji (US$) 1 244 milioni (2015)
Precipua parteneri Usa 13.4%, Australia 10.2%, Samoa 6.7%, Tonga 5.9% (2015)
Importacaji (US$) 2 283 milioni (2015)
Precipua parteneri Populala Republiko di Chinia 16.2%, Sud-Korea 15.7%, Nova-Zelando 14%, Australia 13.4%, Singapur 8.7%, Francia 7% (2015)
Publika financi [1]
Extera debo ne konocata
Revenuo totala (US$) 1 087 milioni (2015)
Spenso totala (US$) 1 182 milioni (2015)
Noto: Ecepte kande kontree mencionata, valori en ca tabelo esas en Usana dolari
Hotelo Sheraton Resort en Fidji.

Fidji, naturale dotata per richesi forestala, minerala e peskala, esas un ek la maxim developata ekonomii de Pacifiko.[1] L'exportacajo di sukro, la pekunio sendita dal Fidjiani qui vivas exterlande, e la turismo (cirkume 755.000 turisti en 2015[1]) esas la precipua fonti di extera revenui.[1]

L'industrio di sukro modernigesis en 2010 e divenis plu produktiva e profitoza, ma ol subisos l'efekti di la diminuteso di subsidiaji dal Europana Uniono por la preci dil sukro, en 2017. La desequilibro komercala di Fidji relate altra landi duras kreskar, pro granda augmento di importacaji e lenta kresko dil exportacaji.[1]

Pos la stato-stroko di 2006, l'Europana Uniono suspensis ekonomikala helpo a Fidji.La stato-stroko afektis turismo en la lando, qua subisis diminuto di 6% en 2007. La riestabliso di la demokratio kun libera elekti en septembro 2014 levis la konfido di la kolokeri.[1]

Referi[redaktar | redaktar fonto]