Ekonomio di Luxemburgia
| Ekonomio di Luxemburgia | ||
|---|---|---|
| Pekunio | Euro | |
| Internaciona organizuri | MOK, Europana Uniono, OKED | |
| Statistiki [1] | ||
| Totala nacionala produkturo (TNP) | US$ 88 533 milioni (2023) | |
| Rango TNP | 102ma[2] maxim granda | |
| Kresko di TNP | -1,1% (2023) | |
| TNP po persono | US$ 132 800,00 (2023) | |
| TNP segun sektoro | agrokultivo 0,2%, industrio 10,5%, servadi 80,6% (2023) | |
| Inflaciono | 2,1% (2024) | |
| Habitantaro sub la povreso-lineo | 17,3% (2021) | |
| Laboro-povo | 348 100 (2024) | |
| Laboro-povo segun okupo | agrokultivo 1.1%, industrio 20%, servadi 78.9% (2013) | |
| Chomeso | 5,9% (2024) | |
| Komercala parteneri [1] | ||
| Exportaci (US$) | 202 203 milioni (2024) | |
| Precipua parteneri | Germania 18%, Francia 15%, Belgia 8%, Nederlando 7%, Italia 6% (2023) | |
| Importaci (US$) | 160 032 milioni (2024) | |
| Precipua parteneri | Belgia 26%, Germania 23%, Francia 10%, Nederlando 5%, Usa 4% (2023) | |
| Publika financi [1] | ||
| Extera debo | netrovebla | |
| Revenuo totala (US$) | 33 533 milioni (2022) | |
| Spenso totala (US$) | 33 054 milioni (2022) | |
| Noto: Ecepte kande kontree mencionata, valori en ca tabelo esas en Usana dolari | ||
Luxemburgia profitas de lua geografiala proximeso kun Francia, Belgia e Germania. Ol havas stabila ekonomio e, depos 2022, la maxim alta TNP po persono de la mondo. Depos 1999, la lando apartenas a tale nomizita "Eurozono", ed esis un ek l'unesma landi qui adoptis Euro kom monetaro. La lando havas moderna ed efikiva ligili choseala, feroviala ed aeroportuala kun altra landi de Europa. Ol havas 147 kilometri di moderna chosei e lineo di treno di granda rapideso TGV liganta lua chef-urbo a Paris.
Malgre ke turismal afishi mencionas Luxemburgia kom "la verda kordio di Europa", lua pasturaji kunexistas kun moderna industrio e granda produktado por exportaco. La lando dependas multe de bankal agadi e de la produktado di stalo. Transnaciona kompanio ArcelorMittal S.A., la maxim granda produktero di stalo en tota mondo, hava lua sideyo en Luxemburgia. Recente, inauguresis nova termino che aeroportuo di Luxemburg.
Turismo ank esas importanta fonto di revenui, e reprezentis 8,3% de totala nacionala produkturo en 2009 ed employis cirkume 25 mil personi, o 11,7% de la laboro-povo. En 2019, ante la pandemio di KOVID-19, la lando recevis 2 584 000 viziteri.[3] En 2020 ca nombro diminutis til 1,6 milion, ma la sektoro komencis rekuperar su en 2021, kande 1 966 000 personi vizitis la lando.[3]
Preske 60% de lua laboro-povo esas stranjeri.
Referi
[redaktar | redaktar fonto]- ↑ Luxembourg - The World Factbook - Publikigita da CIA. URL vidita ye 24ma di junio 2025.
- ↑ https://www.cia.gov/the-world-factbook/field/real-gdp-purchasing-power-parity/country-comparison
- ↑ 3,0 3,1 Tourism in figures - 2022 edition (PDF) - Publikigita da Statistiques.Lu. URL vidita ye 9ma di aprilo 2023. Idiomo: Franca.