Ekonomio di Slovenia
| Ekonomio di Slovenia | ||
|---|---|---|
| Pekunio | Euro | |
| Internaciona organizuri | OMC, Europana Uniono, OKED, Europana Ekonomial Areo | |
| Statistiki [1] | ||
| Totala nacionala produkturo (TNP) | US$ 102 299 milioni (2023) | |
| Rango TNP | 98ma[2] maxim granda | |
| Kresko di TNP | 2,11% (2023) | |
| TNP po persono | US$ 48 200,00 (2023) | |
| TNP segun sektoro | agrokultivo 1,5%, industrio 29,7%, servadi 57,7% (2023) | |
| Inflaciono | 2% (2024) | |
| Habitantaro sub la povreso-lineo | 12,7% (2022) | |
| Laboro-povo | 1 055 000 (2024) | |
| Laboro-povo segun okupo | agrokultivo 3,7%, industrio 31,7%, servadi 64,6% (2015) | |
| Chomeso | 3,4% (2024) | |
| Komercala parteneri [1] | ||
| Exportaci (US$) | 59 159 milioni (2024) | |
| Precipua parteneri | Suisia 22%, Germania 12%, Italia 10%, Kroatia 8%, Austria 6% (2023) | |
| Importaci (US$) | 54 583 milioni (2024) | |
| Precipua parteneri | Suisia 17%, Popul-Republiko Chinia 15%, Germania 11%, Italia 9%, Austria 6% (2023) | |
| Publika financi [1] | ||
| Extera debo | 48 656 milioni (2019) | |
| Revenuo totala (US$) | 23 529 milioni (2022) | |
| Spenso totala (US$) | 24 369 milioni (2019) | |
| Noto: Ecepte kande kontree mencionata, valori en ca tabelo esas en Usana dolari | ||
Slovenia havas la maxim alta TNP po persono del ex-republiki Yugoslaviana, bonega substrukturo, strategiala lokizo (inter Balkani e Westal Europa) e bone instruktita habitantaro. Ol membreskis Europana Uniono ye la 1ma di mayo 2004, ed adoptis Euro kom monetaro ye la 1ma di januaro 2007 - l'unesma lando inter l'enirinti de 2004 qua satisfacis la reguli por adoptar la komuna monetaro. Ol anke membreskis Organizuro por Kunlaboro ed Ekonomiala Developo en 2010[3]. Lua guvernerio kolokas multe en la plubonigo di saneso-adendo.
La Totala nacionala produkturo di Slovenia esas plu granda kam olta di altra ekonomii de Central Europa. Tamen, l'extera kolokado en la lando esas basa, e lua imposti judikesas kom alta. La lando afektesis da debo-krizo Europana komencinta en 2009, ma komencis rekuperar su pos 2013. En 2020, l'ekonomio subisis impaki de globala pandemio di KOVID-19 e dekreskis procente 4,32%, tamen en 2021 ol rekuperis su e la lando kreskis 8,21%. En 2022 ol kreskis per 2,7%, ed en 2023 ol kreskis per 2,11%[1].
Referi
[redaktar | redaktar fonto]- 1 2 3 4 Slovenia - The World Factbook - Publikigita da CIA. URL vidita ye 23ma di junio 2025.
- ↑ https://www.cia.gov/the-world-factbook/field/real-gdp-purchasing-power-parity/country-comparison
- ↑ "Osnovni gospodarski podatki o Sloveniji" - URL vidita ye 23ma di junio 2025. Idiomo: Sloveniana.