Louisville, Kentucky

Louisville-Jefferson County Metro Government

Vaporo-navo Delta Queen ed edifici an centrala quartero di Louisville

Standardo
Lando:	Usa
Stato:	Kentucky
Informo:
Latitudo:	38°15′22″N
Longitudo:	85°45′05″W
Altitudo:	142 m
Surfaco:	884,32 km²
Habitanti:	633 045 (2020)
Denseso di habitantaro:	720 hab./km²
Disto de Frankfort:	86,9^[1] km
Horala zono:	UTC-5 (UTC-4 dum somero)
Urbestro:	Craig Greenberg (D)
Mapo:

Oficala retosituo:
louisvilleky.gov

Louisville (pronuncata 'luːǝvǝl) esas la 3ma maxim populoza urbo dil stato Kentucky e la 29ma maxim populoza di Usa. Ol fondesis en 1778 da George Rogers Clark e nomizesis pro la rejulo Louis la 16ma di Francia. Louisville esis la hemo di Kentucky Derby.

Segun la demografiala kontado di 2020, ol havis 633 045, kontre 597 337 habitanti en 2010.

En 2003, Louisville e komtio Jefferson divenis unika urbo/komtio, sub unika administrado (Louisville-Jefferson County Metro Government en l'Angla, e plu kurte Louisville Metro). La nuna surfaco dil urbo esas 884,32 km², equivalanta a 341,44 mi², di qui 841,59 km² (324,24 mi²) esas lando e la cetera esas aquo.

En l'Angla la habitanto dil urbo nomesis a Louisvillian.

Historio

En 1769, explorero Daniel Boone kreis choseo de Nordal Karolina a Tennessee, e la sequanta du yari ilu exploris Kentucky. La maxim frua urbo fondesis en 1778 dal kolonelo George Rogers Clark. Deketri familii lojis en l'areo ed establis la fuorto Fort Nelson. Nune, kolonelo Clark konsideresas la fondinto di Louisville.

En 1828, kande ol divenis urbo, Louisville havis 7 000 habitanti.

Demografio

Segun la demografiala kontado di 2000 esis 693 604 homi, 287 012 hemanari, e 183 113 familii qui rezidis en la urbo/komtio. La denseso di habitantaro esis 695/km² (1 801/mi²). Esis 305 835 domi kun mezvalora denseso di 307/km² (794/mi²). Segun raso, esis 77.38% Blanki, 18.88% Negri od Afrikan-Usani, 0.22% indijeni Amerikana, 1.39% Aziani, 0.04% Pacifik-insulani, 0.68% de altra rasi, e 1.42% de du o plura rasi, e 1.78% de la habitantaro esis Hispan-Amerikani o Latin-Amerikani de irga raso.

Esis 287 012 hemanari, di qui 29.60% havis pueri od adolecanti evanta min kam 18 yari en la domo, 45.20% esis mariajita e habitis kune; en 14.70% muliero sen spozulo esis la domo-chefo, e 36.20% esis ne-familii. En 30.50% de omna hemanari vivis sola individuo, e 10.30% habitesis da sola individuo evanta 65 yari o pluse. La mezvalora grandeso po hemanaro esis 2.37 personi e la mezvalora grandeso po familio esis 2.97 personi.

La procento di habitanti segun evo esis: 24.30% evante min kam 18 yari, 8.90% de 18 til 24 yari, 30.40% de 25 til 44 yari, 22.80% de 45 til 64 yari, e 13.50% evanta 65 yari o pluse. La mezvalora evo esis 37 yari. Po singla 100 mulieri esis 91.60 viri. Po singla 100 mulieri evanta 18 yari o pluse esis 87.60 viri.

La mezvalora revenuo po hemanaro en la urbo esis US$ 28 843, e la mezvalora revenuo po familio esis US$ 36 696. La mezvalora revenuo por la viri esis US$ 30 608, kontre US$ 24 439 por la mulieri. La revenuo per capita por la urbo esis US$ 18 193. Vivis sub povreso-lineo 21,6% de la habitantaro e 17,9% de la familii, inkluzite 33,5% ek omna habitantaro evanta min kam 18 yari, e 13,2% ek omna habitantaro evanta 65 yari o pluse.