Ekonomio di Maldivi
| Ekonomio di Maldivi | ||
|---|---|---|
| Pekunio | Rupio di Maldivi | |
| Internaciona organizuri | MOK, G-77, SAFTA | |
| Statistiki [1] | ||
| Totala nacionala produkturo (TNP) | US$ 7,05 miliardi (2020) | |
| Rango TNP | 168ma[2] maxim granda | |
| Kresko di TNP | 4,8% (2020) | |
| TNP po persono | US$ 13 000 | |
| TNP segun sektoro | agrokultivo 3%, industrio 16%, servadi 81% | |
| Inflaciono | 2,3% (2017) | |
| Habitantaro sub la povreso-lineo | 8,2% (2016) | |
| Laboro-povo | 222 200 (2020) | |
| Laboro-povo segun okupado | agrokultivo 7,7%, industrio 22,8%, servadi 69,5% (2017) | |
| Chomeso | 2,9% (2017) | |
| Komercala parteneri [1] | ||
| Exportaci (US$) | 3 720 milioni (2019) | |
| Precipua parteneri | Tailando 24%, Usa 13%, Popul-Republiko Chinia 12%, Francia 11%, Germania 11%, Italia 5%, Unionita Rejio 5% (2019) | |
| Importaci (US$) | 4 090 milioni (2019) | |
| Precipua parteneri | Unionita Araba Emirii 24%, Popul-Republiko Chinia 16%, Singapur 14%, India 11%, Malaizia 6%, Tailando 5% (2019) | |
| Publika financi [1] | ||
| Extera debo | 848,8 milioni (2016) | |
| Revenuo totala (US$) | 1,19 miliardi (2016) | |
| Spenso totala (US$) | 1,643 miliardi (2016) | |
| Noto: Ecepte kande kontree mencionata, valori en ca tabelo esas en Usana dolari | ||
La sektori di pesko e turismo stimulis la rapida kresko dil ekonomio di Maldivi dum recenta yari. Tamen, la lando duras afrontar granda fiskala deficito. Substrukturo-projeti, konstruktita grandaparte kun pekunio furnisita da Chinia, povas augmentar multe l'extera debo.[1] En 2015 l'ekonomio kreskis nur 2,8%, pro la diminuto di la quanto di turisti de Chinia e Rusia. En februaro 2018, kelka landi avizis lia civitani pri la politikala nestabileso e la deklaro di urjanteso-stando en Maldivi. Tamen, restas neklara quante to afektus globale la turismo en l'arkipelago.[1]
En 2015 la parlamento di Maldivi aprobis lego qua permisas stranjeri divenar proprietanti di tereni. Stranjeri mustos kolokar adminime US$ 1 miliardo en projeti di konstruktado aprobita dal guvernerio, ed adminime 70% ek la tereno uzata mustos konquestesar de la maro.[1] La guvernerio sucias pri l'augmento di marala nivelo, nam en 80% de la lando, l'altitudo di la tereni di la lando egalesas od esas infre 1 metro.[1]
Referi
[redaktar | redaktar fonto]- ↑ 1,0 1,1 1,2 1,3 1,4 Maldives - The World Factbook - Publikigita da CIA. URL vidita ye 6ma di agosto 2022.
- ↑ https://www.cia.gov/the-world-factbook/field/real-gdp-purchasing-power-parity/country-comparison