Mondala Uniono por Interlingua
Mondala Uniono por Interlingua (en interlingua: Union Mundial pro Interlingua, UMI) esas ento sen skopo profitoza qua konsakresas a rekomendar la savo e l'uzo di Interlingua en la mondo.
UMI esas institucuro por kunlaboro internaciona koncernanta la rekomendo dil uzo di Interlingua por komuniko internaciona en situesi adequata, l'informo pri ica linguo, l'edituro di manulibri, vortari ed altra Interlingua-edituri.
UMI havas membri, reprezenteri e reprezenturi en kin kontinenti. Konsilo exekutiva kun prezidanto, sekretario generala, vicesekretario ed administranto sorgas dil agadi omnadia di UMI. Konsilo generala kun al maximo du reprezenteri de omna lando, en la quala havas reprezenturo nacionala di interlingua, diskutas la linei plu longa.
UMI editas la revuo omnadumonata, Panorama in Interlingua, kun informi internaciona en interlingua por publiko globala: jurnalisteso, informo, reporturi, interviuvi, libri-recensi, e kun foko specala al interlingua-difuzo ed interlingua-informo globale.
UMI fondesis ye 28 di julio 1955, e konferi internaciona eventis en:
- Tours (Francia) 1955,
- Basel (Suisia) 1957,
- Tours (Francia) 1959,
- Basel (Suisia) 1971,
- Norwich (Anglia) 1974,
- Sheffield (Anglia) 1983,
- Taastrup (Dania) 1985,
- Paris (Francia) 1987,
- Zwolle (Nederlando) 1989,
- Helsingborg (Suedia) 1991,
- Borne (Nederlando) 1993,
- Praha (Chekia) 1995,
- Strasbourg (Francia) 1997,
- Focsani (Rumania) 1999,
- Gdansk (Polonia) 2001,
- Lovetch (Bulgaria) 2003,
- Åsa (Suedia) 2005,
- Kirchheimbolanden (Germania) 2009.
UMI registragesis judiciale da l'autoritati Franciana (la subprefekto dil departmento di Essonne en Étampes) ye 3 di agosto 2006 kom asociitaro n-ro 0911004931.