Tonga

Puleʻanga Fakatuʻi ʻo Tonga Kingdom of Tonga Flago di Tonga Blazono di Tonga Chefurbo: Nuku'alofa ·Lojanti: 34,654 (2003) Precipua urbo: Nuku'alofa Oficala linguo: Angliana, Tongana Guvernerio: Monarkio ·Rejulo: George Tupou 5ma ·Chefa ministro: Sialeʻataongo Tuʻivakanō Surfaco: (186ma granda) ·Totala: 748 km² ·% aquo: 4 Lojanti: (195ma granda) ·Totala: 104,000 (2009) ·Lojanto-denseso: 139 loj./km² Nacionala himno: Ko e fasi ʻo e tuʻi ʻo e ʻOtu Tonga Pekunio: Pa'anga Reto-kodo: .to Precipua religio: kristanismo (92,9%)

Tonga esas lando ed insul-grupo en Oceania, centr-suda di Pacifiko. L'indijena nomo dil insuli esas Tonga o Tongatabu, signifikante 'santa'.

Tonga anke divenis konocita kom Amikal insuli (en Angliana linguo: Friendly Islands), pro l'amikala recevo ke James Cook havis kande il vizitis l'insuli por unesma foyo, ye 1773. Il arivis dum ʻinasi, lokala festivalo. Tamen, Cook ne savis ke lokala chefi deziris mortigar li, ma ne konkordis pri la formo di facar ol.

Bazala fakti pri Tonga.

Historio

L'unesma habitanti di insuli arivis en regiono cirkum 6000 yari ante nun. L'unesma Europani qua vizitis l'insuli esis Nederlandani Willem Schouten e Jacob Le Maire ye 1616. Li vizitis nordala insulo di Niuatoputapu. Ye 1643 Abel Tasman vizitis Tongatapu e Haʻapai. Altra importanta vizitero esis James Cook, ye 1773, 1774 e 1777.

Ye 1845 Tāufaʻāhau unionis Tonga e formis rejio. Ye 1875 ilu deklaris Tonga konstitucala monarkio.

Tonga divenis Britaniana protektorato ye 18 di mayo 1900 pos pakto di amikeso kun Unionita Rejio, ma kontree altra insuli en Pacifiko ol ne perdis lua tradicionala monarkio. Pakto di protektorato finis ye 1970, e Tonga divenis nedependanta ye 4 di junio sam yaro. Ol imediate eniris Britaniana komuneso.

Ye julio 2010 lando demarshis decideme por divenar konstitucala monarkio, kande Sialeʻataongo Tuʻivakanō divenis l'unesma chefa ministro direkte elektita.

Politiko

Tonga esas konstitucala monarkio. George Tupou V esas rejo depos 2006. La chefo di guvernerio esas la chefa ministro, nune Sialeʻataongo Tuʻivakanō.

La parlamento (Fale Alea) havas 1 chambro e 30 membri. Lua konstituco esis adoptita ye 4 di novembro 1875. Til julio 2008 la monarko anke esis ha chefo di guvernerio.

Segun determinas konstituco, Tonga furnisas gratuita prima skolo por tota populo, liceo por toti kun simbolala preci, e stato pagas studii en exter universitati, specale por medicino. Tonga anke grantas medikala sokurso a toti. Lua konstituco anke protektas privata proprieto: stranjeri ne povas komprar tereni, nur povas lokacar proprietaji.

Geografio

Mapo di Tonga.

Litoro di Tonga.

Tonga esas 175-insuli arkipelago, ma nur 36 havas lojanti. La maxim granda insulo esas Tongatapu, qua havas 257 km² di totala surfaco. En Tongatapu jacas la chef-urbo, Nuku'alofa. Ol havas 419 km di litoro.

Geologiale l'insuli esas de du tipi: kalkopetrala sulo de korala origino, o kalkopetrala sulo superpozita a volkanala sulo. Foresti kovras 11% di totala surfaco.

Lua klimato esas tropikala kun du sezoni: varma de decembro til mayo e temperema de junio til novembro. Granda parto di pluvo falas de februaro til aprilo. On povas okurar cikloni de oktobro til aprilo.

Ekonomio

Videz anke: Ekonomio di Tonga.

Demografio

Demografio di Tonga (1961 til 2003), segun la FAO, de Unioninta Nacioni. Habitanti en mili.

Plu kam 70% di populo habitas Tongatapu, la maxim granda insulo di arkipelago. Granda parto di la populo havas Polineziana origino, kun mikra mixuro di Melaneziani. Cirkum 3 o 4 mili habitanti havas Chiniana origino.

Kulturo

La religio (kristanismo) influas multe en tongana kulturo. La rejo Taufa'ahau Tupou IV praktikis la Metodista-kredo, qua esas la religio di 40.000 habitanti.

Skolo esas gratuita ed obligita por pueri de 6 til 14-yari, e 98.9% di Tongani savas lektar e skribar.