Kiribati

Republic of Kiribati Kiribati Flago di Kiribati Blazono di Kiribati Chefurbo: Tarawa ·Lojanti: 36,717 (2001) Precipua urbo: Tarawa Oficala linguo: Angliana, kiribatana Guvernerio: Republiko ·Prezidisto: Anote Tong Surfaco: (186ma granda) ·Totala: 726 km² ·% aquo: neglijebla Lojanti: (197ma granda) ·Totala: 98,000 (2009) ·Lojanto-denseso: 135 loj./km² Nacionala himno: Teirake Kaini Kiribati Pekunio: Dolaro di Kiribati Australiana dolaro Reto-kodo: .ki Precipua religio: kristanismo (94,4%)

Kiribati esas mikra lando en Oceania formita da 32 atoli di koralo.

Bazala fakti pri Kiribati.

Historio

Kiribati, kun lua anciena nomo Gilbert Insuli, plu la vicina Ellice Insuli (nune Tuvalu) divenis Britaniana protektorato ye 1892. L'insuli recevis la nomo en honoro di Britaniana kapiteno Thomas Gilbert.

Japoniani kaptis l'insuli dum la Duesma mondo-milito, ma perdis ol ye 1943.

Kiribati recevis propra guverno ye 1971, e divenis nedependanta de Unionita Rejio ye 12 di julio 1979.

Politiko

Kiribati esas republiko. La parlamento elektas la prezidisto por 4 yari, e konsistas ek 1 chambro kun 46 membri. De 46, 40 esas elektata da populo por 4 yara periodo.

Geografio

Kiribati konsistas ek 32 atoli ed 1 insulo, Banaba, izolata inter Nauru e Gilbert-Insuli. Kelka insuli esis formata da korali. Lua klimato esas tropikala.

Ekonomio

Videz anke: Ekonomio di Kiribati.

Kiribati esas un di maxim povra landi dil mondo. Ol havas poka naturala rekursi. Komercal erci di fosfato en Banaba esis debiligita kande lando recevis nedependeso. Lua ekonomio dependas de extera rekursi, e la precipua donacanti en 2010 e 2011 esis Australia, Taiwan, Nova Zelando e Mondala Banko.