Historio di Palau

Hispana galiono proxim Mariani.

L'unesma habitanti di Palau migris al insuli cirkume 5000 yari ante nun, posible veninta de originis de Polinezia, Filipini, od Indonezia. Hispana explorero Ruy López de Villalobos posible trovis l'insuli en 1543. Ecepte Yap e Java, Palau havis poka kontakti kun altra insuli de Pacifiko.

La sequanta enrejistruro pri l'insuli facesis en 1697, kande habitanti de Palau naufrajis che insulo Samar, en Filipini. Cheka misionero Paul Klein, qua habitis ibe, parolis kun la naufrajinti e povis mem facar esbosuro pri mapo dil insuli segun la reprezento dil insuli facita da lia habitanti, qui uzis 87 stoni por montrar lia poziciono. La mapo atraktis atenco di Hispani, qui probis sendar misioneri por kontaktar lia habitanti, e tandem konquestis l'arkipelago.

Aborijena chefi en Koror.

[[Unionita Rejio|Britaniana komercisti komencis vizitar l'insuli konstante dum la 18ma yarcento, ma dum la 19ma yarcento Hispana influo agnoskesis. En 1898, Palau, sub la nomo Palaos, partoprenis tale nomizita Kongreso Malolos, qua demandis kompleta nedependo por Filipini. La Kongreso suportis l'ideo pri propra determino por Palau, se ol dezirus to.

Dum la fino di la 19ma yarcento Hispania, Germania ed Unionita Rejio diskutis pri suvereneso sur l'insuli. En 1885 l'afero sendesas a la papo Leo la 13ma qua agnoskis Hispana revendiko. Hispania okupis granda parto dil insuli til 1898.

Palau dum Germana koloniigo.

En 1885 Germani okupis kelka insuli, ed en 1899 Hispania vendis la teritorio a Germania, qua explotis aluminio e fosfato ed altra naturala resursi. Pos l'Unesma mondomilito la Ligo di la nacioni cedis l'administo dil insuli a Japonian imperio. En 1941, Japonia uzis li kom bazo por lua invado di Filipini, qua sucesis en 1942.

En 1944, Usani kaptis Palau de Japonia pos la batalio di Peleliu, kande plu kam 2000 Usani e 10.000 Japoniani perisis. L'arkipelago devastesis dum la Duesma mondomilito, ed okupesis dal Usani. L'insuli divenis teritorio administrita dal Unionita Nacioni en 1947, ensemble kun altra insuli qui formacas la nuna Federata Stati di Mikronezia.

Palau nedependanteskis del Unionita Nacioni ye la 25ma di mayo 1994.