La Muevi
La Muevi esis revuo skribita per Ido. La revuo havis la oficala sub-titulo Organo internacia dil idistal yunaro ed lia amiki. La revuo publikigesis inter 1931 e 1933. La chefredaktero di La Muevi esis Alb. De Belie e la revuo aparis en Antwerpen (Belgia) ed imprimigesis en Knocke-Heist (Belgia).
La foko di la La Muevi esis kulturala temi.
En la unesma numero di La Muevi la revuo prizentesis su e sua skopo tale: A nia Movado mankis revuo propagiva digna ye la valoro di Ido ed vere montrinda publike. Tala revuon "LA MUEVI" pretendas esar ed la editeri ed redakteri audacas esperar ke anke vu judikas ol kom tala. Ica revuo destinesas a la yunaro studenta ed intencas plu efikive penetrar medii qui til nun nur sporadike duris interesar su pri Ido [...]. La rezulto esos pos kelka yari, kande la prezenta studentaro adultesos, nia Movado disponos armeo de yuna viri qui vere amos nia komuna linguo e pluvivigos nia Movado. Ed "LA MUEVI" duros servar kom rekrutilo inter la yunaro, fonto ne-estanchebla [...] [1]
En la arkivo dil Germana Ido-Societo en Berlin esas fotokopiuri di la revuo La Muevi.
Numeri[redaktar | redaktar fonto]
La Muevi aparis inter 1931 e 1933 e havis 30 numeri, ma kelka numeri esis duoplo-numeri.
- 1931: Numero 1-6
- 1932: Numero 7/8-20
- 1933: Numero 21/22-29/30.
Referi[redaktar | redaktar fonto]
- ↑ La Muevi, 1/1931, p. 2
.svg)