Renault

De Wikipedio
Irez ad: pilotado, serchez
Logotipo* de Renault.
La fabrikerio di Renault en Boulogne-Billancourt dum la komenco di la 20ma yarcento.

Renault (pronuncez Renô) esas plurnaciona fabrikanto di automobili e furgoni kun origino en Francia. Ol establisesis en 1899.[1] Antee, ol anke produktis kamioni, autobusi, traktori, vagoni por treni e tanki.

Segun l'organizuro OICA (Organisation Internationale des Constructeurs d'Automobiles), en 2015 Renault esis la 10ma maxim granda produktero mondala di automobili[2], e 50,5% ek lua vendi eventis exter Europa.[3] La Grupo Renault-Nissan esas la 4ma maxim granda produktero di automobili de la mondo.[4]

La sideyo di la grupo Renault jacas en Boulogne-Billancourt, urbo proxim Paris. La grupo Renault kompozesas ek la samnoma kompanio e lua filiali Alpine, Automobile Dacia (de Rumania), Renault Samsung Motors (de Sud-Korea) ed AutoVaz (de Rusia). Renault kontrolas 43% de Japoniana kompanio Nissan, ed 1,55% de la kompanio Daimler AG, de Germania (pos 2012, la motori dil automobili Mercedes "klaso A" e "klaso B" fabrikesas da Renault), ed anke la banko RCI Banque. Ol havas lokala asocii en Turkia (nomizita "Oyak-Renault") ed Iran ("Renault-Pars"). Lua nuna prezidero esas la Braziliano Carlos Ghosn.

Referi[redaktar | redaktar fonto]

  1. Sophie Boutillier e Dimitri Uzunidis (2006) - L'aventure des entrepreneurs - . pp. 28–29 Studyrama. En la Franca
  2. World motor vehicle production. OICA correspondents survey. World ranking of manufacturers year 2013 (en Angla). (PDF) OICA. URL vidita ye la 26ma di februaro 2014.
  3. (21ma di januaro 2014) The Renault group makes the strongest market share increase in Europe and continues its international growth.. Automotive world. URL vidita ye la 29ma di januaro 2015.
  4. Gain, Bruce (8ma di mayo 2014). Ghosn aims for No. 3 spot for Renault-Nissan. Crain Communications Inc.. URL vidita ye la 12ma di marto 2015.