Ekonomio di Bulgaria
| Ekonomio di Bulgaria | ||
|---|---|---|
| Pekunio | Lev | |
| Internaciona organismi | MOK, Europana Uniono, OSCE, BSEC | |
| Statistiki [1] | ||
| Totala nacionala produkturo (TNP) | US$ 132.6 miliardi (2015) | |
| Rango TNP | 77ma[2] maxim granda | |
| kresko dil TNP | 1,7% (2015) | |
| TNP per persono | US$ 18 400 (2015) | |
| TNP segun sektoro | agrokultivo 5.2%, industrio 27.4%, servadi 67.4% | |
| Inflaciono | 0,1% (2015) | |
| Habitantaro sub la povreso-lineo | 21% (2012) | |
| Laboro-povo | 2 535 000 | |
| Laboro-povo segun okupado | agrokultivo 6.7%, industrio 30.2%, servadi 63.1% (2013) | |
| Chomeso | 10.2% | |
| Komercala parteneri [1] | ||
| Exportaci (US$) | 24.33 miliardi (2015) | |
| Exportaci - precipua produkturi | vestaro, pedovesti, fero e stalo, mashinaro ed equipuri, fueli | |
| Precipua parteneri | Germania 12.6%, Italia 9.3%, Turkia 8.7%, Rumania 8.2%, Grekia 6.4%, Francia 4.2% | |
| Importaci (US$) | 27.66 miliardi (2015) | |
| Importaci - precipua produkturi | mashinaro ed equipuri, metali e minerali, kemiala produkturi e plastiki, fueli e prima materii | |
| Precipua parteneri | Germania 12.9%, Rusia 11.9%, Italia 7.5%, Rumania 6.8%, Turkia 5.8%, Hispania 4.7% (2014) | |
| Publika financi [1] | ||
| Extera debo | 49.16 miliardi (2015) | |
| Revenuo totala (US$) | 17.81 miliardi (2015) | |
| Spenso totala (US$) | 19.74 miliardi (2015) | |
| Noto: Ecepte kande kontree mencionata, valori en ca tabelo esas en Usana dolari | ||
Bulgaria divenis membrostato dil Europana Uniono ye la 1ma di januaro 2007. Lua ekonomio restis stabila de 1996 til 2009, e lua totala nacionala produkturo kreskis mezavalore 6% omnayare en ta periodo, pro direta extera kolokadi.[1] En 2009 l'extera krizo afektis la kresko dil TNP, qua deskreskis cirkume 5% ta yaro,[1] tamen l'ekonomio rapide durigis kreskar. Korupto en la publik administrado, febla judiciala sistemo e l'organizita krimino duras jenar l'extera kolokado e l'ekonomiala expekti.[1]
Importanta industrial agadi por la lando esas la rafino di minerali (note karbono, kupro e zinko) e la produktado di stalo. Bulgaria mankas jaceyi di petrolo, e bezonas importacar ol. Dum recenta yari, turismo divenabas importanta fonto di revenui: en 2017 cirkume 12 milion turisti vizitis la lando,[3] di qui cirkume la duimo venas de 5 landi: Grekia, Rumania, Turkia, Germania e Rusia.[4]
En mayo 2014 Bulgaria ja satisfacis 4 ek la 5 kriterii por adoptar l'Euro kom monetaro. En januaro 2018 la chefministro Boyko Borisov anuncis ke la lando intencis adoptar en julio ta yaro la 2ma fazo dil Mekanismo di Kurso di Kambio Europana (Angle: European Exchange Rate Mechanism II)[5][6] e povos adoptar l'Euro en julio 2019.
Agrokultivo[redaktar | redaktar fonto]
L'agrokultivala produktado diminutis pos 1989, ma dum recenta yari on durigis kreskar e, kun l'industrio di nutrivi, ol reprezentas importanta sektoro del ekonomio di la lando. Bulgaria nune havas cirkume 150.000 traktori ed altra equipuri por agrokultivo. Lua precipua agrokultivala vari esas semini di helianto, frambo, tabako, pipro e lino.
Referi[redaktar | redaktar fonto]
- ↑ 1,0 1,1 1,2 1,3 CIA. The World Factbook. URL vidita ye la 24ma di aprilo 2016.
- ↑ https://www.cia.gov/the-world-factbook/field/real-gdp-purchasing-power-parity/country-comparison
- ↑ Worldbank Tourism in Bulgaria. URL vidita ye la 1ma di agosto 2017.
- ↑ Turismo en Bulgaria (Januaro-Decembro 2014) Nacionala Instituto pri Statistiko Bulgara
- ↑ http://www.consilium.europa.eu/media/36111/letter-by-bulgaria-on-erm-ii-participation.pdf
- ↑ - Statement on Bulgaria's path towards ERM II participation - Statement on Bulgaria's path towards ERM II participation.