Ekonomio di Norvegia
| Ekonomio di Norvegia | ||
|---|---|---|
| Pekunio | Norvegiana krona | |
| Internaciona organizuri | MOK, OKED, EFTA ed altri | |
| Statistiki [1] | ||
| Totala nacionala produkturo (TNP) | US$ 499 357 milioni (2023) | |
| Rango TNP | 49ma[2] maxim granda | |
| Kresko di TNP | 0,48% (2023) | |
| TNP po persono | US$ 90 500,00 (2023) | |
| TNP segun sektoro | agrokultivo 2,1%, industrio 39%, servadi 50% (2023) | |
| Inflaciono | 3,1% (2024) | |
| Habitantaro sub la povreso-lineo | 12,2% (2021) | |
| Laboro-povo | 3 042 000 (2024) | |
| Laboro-povo segun okupo | agrokultivo 2.2%, industrio 20.2%, servadi 77.6% | |
| Chomeso | 4% (2024) | |
| Komercala parteneri [1] | ||
| Exportaci (US$) | 229 205 milioni (2024) | |
| Exportaci - precipua produkturi | naturala gaso, kruda petrolo, fisho, rafinita petrolo, aluminio (2023) | |
| Precipua parteneri | Germania 18%, Unionita Rejio 17%, Suedia 9%, Dania 7%, Nederlando 6% (2023) | |
| Importaci (US$) | 162 467 milioni (2024) | |
| Importaci - precipua produkturi | automobili, rafinita petrolo, navi, nikelo, vestaro (2023) | |
| Precipua parteneri | Suedia 11%, Germania 11%, Popul-Republiko Chinia 11%, Usa 7%, Nederlando 5% (2023) | |
| Publika financi [1] | ||
| Extera debo | 651,04 miliardi (2019) | |
| Revenuo totala (US$) | 334 543 milioni (2022) | |
| Spenso totala (US$) | 174 546 milioni (2022) | |
| Noto: Ecepte kande kontree mencionata, valori en ca tabelo esas en Usana dolari | ||
L'ekonomio di Norvegia esas un ek la maxim richa del mondo, e la maxim multa ek la sektori di lua ekonomio esas en manui privata. Tamen, existas kontrolo statala en strategiala sektori - nome energio ed extraktado di aluminio. Anke la precipua banko di la lando e la precipua telekomuniko-kompanio - Telenor ASA - kontrolesas dal Stato. La lando esas la precipua produktero di petrolo e naturala gaso di Europa, explotata en Norda maro depos julio 1966.
De la kontinentala teritorio di Norvegia, 38% kovresas da foresti, de qui plua kam 2/3 esas foresti produktiva. La dominacanta arboro en ca foresti esas abieto, qua furnisas ligno uzebla por fabrikar mobli ed anke por produktar celuloso. Pri agrokultivo, la Fluo di Gulfo posibligas kultivi en latitudi plu alta kam altra zoni. Hordeo esas la grano maxim kultivata en la lando.
Segun informo dal Unionita Nacioni de 2016, Norvegia, Luxemburgia e Suisia esas la sola landi de la mondo qui havas TNP po persono superiranta 70 mil dolari, e ne esas insulala nacioni. La lando anke havas un ek la maxim efikiva sistemi di sociala sekureso inter la landi membri di OKED.
Norvegia anke havas la maxim alta indexo pri homala developeso de la mondo: 0,971 en 2007. Tamen, ol havas un ek la maxim alta vivo-kusti de la mondo, segun diferanta ekonomiala indexi, exemple Big Mac index, qua komparas preci di sandwicho Big Mac en la diferanta landi.
Norvegia ed Europana Uniono
[redaktar | redaktar fonto]
En 1972 la parlamento Norvegiana decidis konsultar la populo pri l'eniro en l'Europana Ekonomiala Komunitato, e ta ideo refuzesis per tenua difero: 53,3% no-voti.[3] Tamen, la lando aceptis membreskar en l'Asociuro Europana pri Libera Komerco kune Liechtenstein, Suisia ed Islando. Ol anke decidis harmoniar lua ekonomiala politiki kun la politiki del EEK e pose del Europana Uniono.
En 1994 itere eventis plebicito pri l'eniro en l'Europana Uniono, qua itere rezultis refuzo di ta ideo.
Referi
[redaktar | redaktar fonto]- 1 2 3 Norvegia - The World Factbook - Publikigita da CIA. URL vidita ye 25ma di junio 2025.
- ↑ https://www.cia.gov/the-world-factbook/field/real-gdp-purchasing-power-parity/country-comparison
- ↑ Norway's refusal - Historical events in the European integration process (1945-2014) - Publikigita da CVCE. URL vidita ye 22ma di septembro 2016. Idiomo: Angla.