Sudal Dakota

State of South Dakota Stato di Usa Chefurbo Pierre Maxim granda urbo Sioux Falls Oficala linguo Ne havas. Angliana de facto. Surfaco 199 905 km² Habitanti Denseso di habitantaro 804 194 (2008) 4,05 hab./km² Guberniestro Dennis Daugaard Transformo en stato: 2 di novembro 1889 Posto-kodexo abreviuro SD Reto www.sd.gov

Sudal Dakota esas Usana stato. Lua vicina stati esas:

• Nordal Dakota en nordo,
• Montana ed Iowa en esto,
• Nebraska en sudo,
• Wyoming e Montana en westo.

Historio

Ante ke ol divenis stato

La regiono esis parto di la granda areo en la centro di Nord-Amerika komprita de Francia en 1803 (la kompro di Louisiana). Pos ke Minnesota (qua esabis parto di la regiono) divenis stato en 1858, la teritorio di Dakota establisesis en 1861. (Dakota esis la nomo di tribuo di le Sioux qua okupis la teritorio.) Ol komence inkluzis parti de nuna Montana e Wyoming. En 1868, pos kreado di nova teritorii en la regiono, Dakota aquiris la nuna formo. La veno di fervoyi augmentis la habitantaro. Existis du loki qui koncentris habitanti, en la nordesto e la sud-esto dil teritorio. La teritorio dividesis en du parti, e Sudal Dakota e Nordal Dakota divenis Usana stati ye la 2ma di novembro 1889.

Inundo di 1972

Ye la 9ma di junio 1972 esis grava inundo en la stato, un de la maxim severa en la historio di Usa. Pos satureso di la sulo pro antea pluvo, 380mm de plusa pluvo falis dum la 9ma e 10ma di junio en la Nigra Kolini en la westo di la stato. Riveri exterfluis, e la plusa aquo portis fragmenti a la digo di Canyon Lake, kreante barilo avan la voyo por ekfluajo; la nivelo di aquo dop la digo tale augmentesis ed efektigis plusa inundado. En Rapid City 238 homi mortis, 2820 domi domajesis e plu kam 200 komercerii destruktesis. Konseque di la evento, la digo ri-desegnesis e hemi konstruktesis sur plu alta tero; parki kreesis sur la inundema basa tero.

Geografio

Mapo di Suda-Dakota kun lua precipua urbi e stradi.

La maxim alta monto dil stato esas Harney Peak, kun 2.207 metri di altitudo.