Tokelau

De Wikipedio
Salti al navigilo Irez a serchilo
Tokelau
Flag of Tokelau.svg Badge of Tokelau.svg
Maxim granda urbo Atafu
Tokelau on the globe (Polynesia centered).svg
Oficala linguo Tokelauana, Angla
Surfaco 10 km²
Habitanti
Denseso di habitantaro
1 499 (2016)
115 hab./km²
Guberniestro Ross Ardern
Horala zono UTC+13
TNP (yaro) 10 milioni (2017)

Tokelau, antee Union Islands, esas teritorio dependanta de Nova-Zelando che Pacifiko. Ol konsistas ek arkipelago kun tri tropikal atoli (Atafu, Nukunonu e Fakaofo) kun tota surfaco di 10 km². Ol ne havas fixa chef-urbo, pro ol varias omnayare inter l'atoli.

Segun la demografiala kontado di 2016, cirkume 45% de lua habitantaro naskis exter l'arkipelago, la maxim multa en Nova-Zelando[1].

Bazala fakti pri Tokelau.

Historio[redaktar | redaktar fonto]

Admiralo John Byron deskovris l'atolo di Atafu en 21 di julio 1765. En 1948 l'insuli divenis Nov-Zelandana teritorio.

Geografio[redaktar | redaktar fonto]

Atolo Fakaofo.

La teritorio konsistas ek tri koral atoli duime la disto inter Havayi e Nova-Zelando. Altra atolo, Swains, malgre apartenar al arkipelago Tokelau, administresas kom parto dil Usana Samoa depos 1925. De Atafo norde, til Fakaofo sude, la disto esas min kam 200 km. L'atoli distas cirkume 500 km norde de Samoa.

La suli dil atoli esas poke fertila. Li havas 38 nativa speci di planti, 150 di insekti e 10 speci di krabi. Granda parto de lua nativa vejetantaro remplasesis per plantacerii di kokoso. La maxim alta punto dil arkipelago jacas 5 metri super la marala nivelo.

Ekonomio[redaktar | redaktar fonto]

 Precipua artiklo: Ekonomio di Tokelau

Tokelau havas la min granda ekonomio dil mondo. Lua TNP per persono esas aproxime 6.275 dolari. L'energio produktata en l'arkipelago havas 100% sunala origino.[2]

L'ekonomio dependas preske komplete de Nova-Zelando. Peskado esas lua precipua ekonomial agado.

Referi[redaktar | redaktar fonto]


Landi e teritorii en Oceania
Atolo Johnston | Atolo Midway | Australia | Estal Timor| Fidji | Franca Polinezia | Guam | Havayi | Insulo Baker | Insuli Cook | Insulo Howland | Insulo Jarvis | Insulo Wake | Insuli Marshall | Insuli Salomon | Kingman Rifo | Kiribati | Federata Stati di Mikronezia | Nauru | Nova Kaledonia | Nova-Zelando | Niue | Norfolk | Norda Mariani | Palau | Palmyra | Papua-Nova-Guinea | Pitkern | Samoa | Tokelau | Tonga | Tuvalu | Usana Samoa | Vanuatu | Wallis e Futuna