Franca Polinezia

Franca Polinezia Polynésie Française (Franca) Porinetia Farani (Taitiana) Transmara ensemblo di Francia Monto Rotui. Chefurbo Papeete Maxim granda urbo Papeete Surfaco 4 167 km² Habitanti Denseso di habitantaro 274 217 (2020) 66,9 hab./km² Prezidanto Prezidanto di lokal asemblo Prezidanto regionala Emmanuel Macron Antony Géros Moetai Brotherson Horala zono UTC-10:00; UTC-9:30 (insuli Marquesas) UTC-9 (insuli Gambier) TNP (yaro) US$ 6,02 miliardi (2019) Reto http://www.polynesie-francaise.pref.gouv.fr/

Franca Polinezia esas transmara teritorio (en Franca pays d'outremer) qua apartenas a Francia e jacas en Oceania. La nomo dil insulo-grupo originis del Greka polys signifikante 'multa', e nesos signifikante 'insulo'.

Historio

Rejino Purea recevas kapitano Samuel Wallis.

Arkeologiisti kredas ke la granda migrado Polineziana komencis cirkume 1500 aK, kande Austroneziana populi komencis granda navigadi e deskovris insuli an la sudo di Pacifiko. L'unesma insuli di Franca Polinezia habitita esis insuli Marquesas cirkume yaro 200. Polineziani pose navigis adsude e deskovris insuli Societé en 300.

En 1521, Portugalano Fernão de Magalhães, qua navigis en nomo di Hispania, vidis insulo Puka-Puka, che arkipelago Tuamotu-Gambier. En 1606, altra expediciono Hispana, komandita da Pedro Fernandes de Queirós, deskovris insulo senhoma, quan ilu nomizis Sagitaria - probable insulo Rekareka, sud-este de Tahiti. En 1722, Nederlandano Jakob Roggeveen trovis insulo Bora Bora, ed en 1767 Britaniano Samuel Wallis vizitis Tahiti. Franca explorero Louis Antoine de Bougainville anke vizitis Tahiti en 1768, e Britaniano James Cook arivis ibe en 1769.

Francia deklaris Tahiti e Tahuata lua protektorato en 1842.

Politiko

L'Asemblajo di Franca Polinezia (parlamento).

La prezidanto di Francia esas la chefo di stato di la teritorio, reprezentata da l'Alta komisisto. La prezidanto di Franca Polinezia esas la chefo di guvernerio dil teritorio.

Geografio

Franca Polinezia kompozesas ek 6 insul-grupi en Pacifiko. Lua maxim granda insulo esas Tahiti. L'insul-grupi esas:

• insuli Marquesas
• insuli Société
• Arkipelago Tuamotu
• insuli Gambier
• Austral insuli (Tuha'a Pae)
• Insuli Bass

Landala surfaco esas 4 167 km² dispersita en 2 500 000 km² di oceano. Lua klimato esas tropikala, ma moderema. Lua maxim alta monto esas Orohena, en Tahiti, kun 2 241 metri di altitudo.

Ekonomio

Precipua artiklo: Ekonomio di Franca Polinezia