Nauru

De Wikipedio
Irez ad: pilotado, serchez
Nauru
Ripublik Naoero
Republic of Nauru
Flag of Nauru.svg Coat of arms of Nauru.svg
Flago di Nauru Blazono di Nauru
Nacionala himno:
Nauru Bwiema
LocationNauru.png
Urbi:
Chefurbo: Yaren
· Habitanti: 1.100 (2003)
Precipua urbo: Yaren
Lingui:
Oficala lingui: Angliana, Nauruana
Guvernerio:
Tipi: Republiko
· Prezidanto: Baron Waqa
Surfaco: (227ma granda)
· Totala: 21 km²
· Aquo: 0,57 %
Habitanti: (216ma granda)
· Totala: 14.019[1] (2009)
· Denseso di habitantaro: 476,2 hab./km²
Pluse informi:
Valuto: Australiana dolaro
Veho-latero: sinistre
ISO: NR
NRU
520
Reto-domeno: .nr*
Precipua religio: kristanismo
Oficala retosituo: http://www.naurugov.nr/


Nauru esas insulo e lando en Oceano Pacifiko.

L'insulo olim nomesis Plezanta Insulo.

Bazala fakti pri Nauru.

Historio[redaktar | redaktar fonto]

 Precipua artiklo: Historio di Nauru

Unesma habitanti di Nauru esis Polineziani e Mikroneziani, qui arivis en l'insulo cirkum 3,000 yari ante nun. On existis 12 klani o tribui en Nauru. La 12 steli en la flago di Nauru reprezentas la 12 klani.

L'insulo deskovresis en 1798 da Britaniana kapitano John Fearn. En 1888 ol enkorpigesis da Germanian imperio. En 1914 Australiana trupi kaptis ol, dum l'unesma mondomilito. En 1919 Britaniani, Australiani e Nova-Zelandani signatis pakto e kreis la “British Phosphate Commission” qua administri l'extraktado di fosfato en Nauru, Christmas insulo e Banaba.

La 25ma di agosto 1942 dum la duesma mondomilito Japoniani okupis l'insulo. Japoniani konstruktis aerodromo en l'insulo e deportis 1,200 Nauruani por verkar en Chuuk-insulo. L'insulo fine liberigesis la 13ma di septembro 1945, kande Japoniana komandero Hisayaki Soeda kapitulacis. De la Nauruani deportita nur 737 tranvivis, e retroiris a l'insulo en 1946.

Nauru divenis nedependanta la 31ma di januaro 1968.

Politiko[redaktar | redaktar fonto]

Nauru esas republiko. La prezidanto esas la chefo di stato e la chefo di guvernerio di lando ed elektesas da membri dil parlamento, qua havas unika chambro kun 19 membri. Ne existas formala partisi en Nauru, tota la politikisti esas nedependanta.

Geografio[redaktar | redaktar fonto]

Nauru havas 14 distrikti. Yen la distrikti di Nauru:

  • Aiwo
  • Anabar
  • Anetan
  • Anibare
  • Baiti
  • Boe
  • Buada
  • Denigomodu
  • Ewa
  • Ijuw
  • Meneng
  • Nibok
  • Uaboe
  • Yaren

Ekonomio[redaktar | redaktar fonto]

 Precipua artiklo: Ekonomio di Nauru

Pos 1907 la precipua ekonomial aktiveso di Nauru esas la exportacajo di fosfato e preske tota alimenti ed altra komercaji esas importacata.

Chomeso en lando atingas preske 90% de labor-povo.

Demografio[redaktar | redaktar fonto]

Kulturo[redaktar | redaktar fonto]

Nauruani decendas de polineziani e mikroneziana maristi qua kredis en femina deino, Eijebong, e un landala spirito nomizita Buitani. Du de la 12 originala tribui dil insulo extingis su dum la 20ma yarcento.

"Australiana futbalo" (konocita kom Aussie Rules) esas la maxim populara sporto en Nauru.

Referi[redaktar | redaktar fonto]


Landi e teritorii en Oceania
Atolo Johnston | Atolo Midway | Australia | Estal Timor| Fidji | Franca Polinezia | Guam | Havayi | Insulo Baker | Insuli Cook | Insulo Howland | Insulo Jarvis | Insulo Wake | Insuli Marshall | Insuli Salomon | Kingman Rifo | Kiribati | Federata Stati di Mikronezia | Nauru | Nova Kaledonia | Nova-Zelando | Niue | Norfolk | Norda Mariani | Palau | Palmyra | Papua-Nova-Guinea | Pitkern | Samoa | Tokelau | Tonga | Tuvalu | Usana Samoa | Vanuatu | Wallis e Futuna