Marshall Insuli

De Wikipedio
Irez ad: pilotado, serchez
Aolepān Aorōkin M̧ajeļ
Republic of the Marshall Islands
Flag of the Marshall Islands.svg Marshall Islands coa.jpg
Flago di Marshall Insuli Blazono di Marshall Insuli
Mapo di Marshall Insuli
Chefurbo: Majuro
·Habitanti: 25,400 (2004)
Precipua urbo: Majuro
Oficala linguo: angliana, marshaliana
Guvernerio: Republiko
·Prezidanto: Jurelang Zedkaia
Surfaco: (213ma granda)
·Totala: 181 km²
·% aquo: neglijebla
Habitanti: (205ma granda)
·Totala: 68,000[1] (2009)
·Lojanto-denseso: 342.5 hab./km²
Nacionala himno: Forever Marshall Islands
Pekunio: Dolaro di Usa
Reto-kodo: .mh
Precipua religio: kristanismo, 96.6%

Marshall Insuli esas arkipelago e lando en Oceania, norda di Nauru e Kiribati.

Bazala fakti pri Marshall Insuli.

Historio[redaktar | edit source]

Exquisite-kfind.png Videz anke: Historio di Marshall Insuli.

L'unesma habitanti di nuna Marshall Insuli esis Mikroneziani, qua arivis dum la duesma yarmilo aK. Lia historio esas poke konocata. L'unesma Europana qua arivis en la teritorio esis Hispaniana Alonso de Salazar en 1526. Du yarcenti pose, en 1786, l'Angliana John Marshall vizitis l'insuli, ke recevis lia nomo en homajo a Marshall.

Germania okupis l'arkipelago depos 1885 ed establisis protektorato. Li establisis komercala posti en l'insuli di Jaluit ed Ebon. Marshaliana iroij (lokala chefi) mantenis lia lokala autoritato dum Germana dominacajo.

Japonia konkestis la teritorio dum la komenco di Unesma mondomilito, ed establisis lia guvernerio en l'insulo di Jaliut. En 31 di januaro 1944 dum Duesma mondomilito, Usani okupis Kwajalein atolo. Pos vinkar Japoniani komplete ye 1945 ol komencis administrar l'insuli e granda parto di Mikronezia kom Fidekomiso-Teritorio di Pacifiko.

De 1946 til 1958 Usa uzis l'arkipelago por probar atom-bombi: on okuris 67 explozioni di atom-bombi en ta epoko.

En 1979 l'insuli recevis propra guvernerio, ed ye 21 di oktobro 1986 ol divenis nedependanta de Usa. Amata Kabua, qua guvernis pos 1979, esis unesma prezidanto di lando.

Politiko[redaktar | edit source]

Parlamento di Marhsall Insuli.

Segun la konstituco adoptita en 1979, Marshall Insuli esas republiko[2]. Elekti okuras omna 4 yari, e tota civiteni evanta 18 yari o plu povas votar. La prezidanto, qua esas chefo di stato ed anke chefo di guvernerio, esas elektata da 33 membri di parlamento (Nitijela). Il indikas 10 ministri, qua mustas esar aprobata da Nitijela.

Judiciala povo havas quar sistemi di korti: supra korto, alta korto, lokala (municipala) korti e korti tradicionala - ta restrikta a demandi pri landal yuro.

Marshall Insuli havas libera asociuro kun Usa, qua esas responsebla pri la defendo dil insuli.

Geografio[redaktar | edit source]

Mapo di Marshall Insuli.

Lando konsistas ek 29 atoli - 24 habitata - e 5 izolata insuli. Preske 66% di habitanti habitis la chef-urbo, Majuro, ed en l'urbo di Ebeye. Granda parto di lua teritorio jacas en mar-nivelo.

Lua klimato esas varma e pluvoza. Plu intensa pluvi okuras de mayo til novembro.

En oktobro 2011 lando deklaris 770,000 km² di oceano kom rezervo por protektar sharki.

Ekonomio[redaktar | edit source]

Exquisite-kfind.png Videz anke: Ekonomio di Marshall Insuli.

L'insuli havas poka naturala rekursi. Agrokultivo okuras en mikra tereni. Lando recevas ekonomiala helpo de Usa.

Demografio[redaktar | edit source]

Cirkum 68,000 personi vivas en lando, preske 2/3 en Majuro. La majoritato esas Marshallani, de Mikroneziana origino.

Kulturo[redaktar | edit source]

Plu kam 50% di Marshallani partoprenas a l'Unionita Eklezio di Kristo, 24,2% partoprenas a l'Asemblajo di Dio, 8,4% esas katoliki e 8,3% esas Mormoni[3]. En muziko, roro esas tradicionala kanto, generale pri anciena legendi, kantata da mulieri dum laboro o por donar guidilo a navigeri.

Referi[redaktar | edit source]

  1. World Population Prospects, Table A1
  2. Constitution of the Marshall Islands
  3. International Religious Freedom Report 2009
Commons
Commons havas kontenajo relatante a:


Landi e teritorii en Oceania
Usana Samoa | Australia | Baker-insulo | Cook-Insuli | Fidji | Franca Polinezia | Guam | Havayi | Howland Insulo | Jarvis-insulo | Johnston-atolo | Kingman Rifo | Kiribati | Marshall Insuli | Federati Stati di Mikronezia | Midway-atolo | Nauru | Nova Kaledonia | Nova-Zelando | Niue | Norfolk Insulo | Norda Mariani | Palau | Palmyra Atolo | Papua-Nova-Guinea | Pitkern | Samoa | Samoa Usana | Salomon Insuli | Timor Leste| Tokelau | Tonga | Tuvalu | Vanuatu | Wake Insulo | Wallis e Futuna