Olimpiala Ludi en Paris, 1900

Afisho de la 1900 Olimpiala Ludi.

L'Olimpiala Ludi en Paris, 1900 od oficale la 2ma Olimpiala Ludi esis internaciona poli-sportala konkurso qua eventis ye 1900 en Paris, Francia. Ludi okuris exter Grekia por unesma foyo.

Ye 1895 barono Pierre de Coubertin propozis Paris kom sideyo por l'unesma Olimpiala Ludi, qua okurus ye 1900. La delegitaro aceptis Paris kom sideyo ye 1900, ma anticipis l'unesma Olimpiala Ludi por 1896 en Athina, Grekia.

La 2ma Olimpiala Ludi okuris dum la 1900 Mondala Ferio en Paris, e ta rezultis granda desorganizuro. Ol komencis ye 14 di mayo e finis ye 28 di oktobro 1900, kun la partopreno di 997 atleti de 24 landi. Esis 95 eventi de 19 sporti.

Kelka fakti

• Multa atleti ne recevis medalii; generale il recevis trofei.
• Charlotte Cooper divenis l'unesma muliero championo di teniso.
• Luxemburgiana atleto Michel Théato ganis la maratono, ma le membri di l'organizuro pensis ke il esis Franca. Kom rezulto, militarala bando exekutis La Marseillaise.
• Francia ganis 5 de 6 ora medalii en biciklismo.
• Kelka eventi qua okuris dum ta Ludi ne plus esas konsiderata Olimpiala sporti, kom automobila kontesti, kombato a fairo, edc.

Natado en Seine.

• La konkursi di natado okuris en Seine fluvio.

Medalii ganita

Landi qua partoprenis en l'Olimpiala Ludi ye 1900. En blua, landi qua partoprenis por unesma foyo.

Hike esas la listo di landi qua ganis adminime 1 bronza medalio ye 1900.

#	Lando	Ora	Arjenta	Bronza	Entote
1	Francia	26	41	34	101
2	Usa	19	14	14	47
3	Unionita Rejio	15	6	9	30
4	mixurita esquado	6	3	3	12
5	Suisia	6	2	1	9
6	Belgia	5	5	5	15
7	Germania	4	2	2	8
8	Italia	2	2	0	4
9	Australia	2	0	3	5
10	Dania	1	3	2	6
11	Hungaria	1	2	2	5
12	Kuba	1	1	0	2
13	Kanada	1	0	1	2
14	Hispania	1	0	0	1
15	Austria	0	3	3	6
16	Norvegia	0	2	3	5
17	India	0	2	0	2
18	Nederlando	0	1	3	4
19	Bohemia	0	1	1	2
20	Mexikia	0	0	1	1
20	Suedia	0	0	1	1
Total		90	90	88	268