Beirut

De Wikipedio
Irez ad: pilotado, serchez
Beirut
Kelk imaji de la centro di Beirut.
Flag of beirut.gif BlasonBeyrouth4.jpg
Lando Flag of Lebanon.svg Libano
Latitudo 33º53'13" N
Longitudo 35º30'47" E
Altitudo 30 metri
Surfaco 85 km²
Habitanti 1,250,000 (2007)
Lojanto-denseso 14,705.88 hab./km²
Horala zono UTC+2
UTC+3 dum somero
Urbestro Bilal Hamad
Reto: http://www.beirut.gov.lb
Mapo
Mapo di Beirut
Promeneyo Avenuo di Paris, en Beirut.

Beirut (Araba بيروت (transliterizita Bayrūt); anciena Hebrea: בְּאֵרוֹת (Be'erot); Hebrea: ביירות (Beirut); Latina: Berytus; Franca Beyrouth) esas chef-urbo ed la precipua portuo di Libano. Ne existas demografiala kontado recenta, ma on kalkulas ke ol havis 1,250,000 habitanti en 2007. Lua metropolal areo povas havar cirkum 2 milion habitanti.

Beirut esas la sideyo di Libanana guverno, e koncentras multa banki. Ante l'interna milito Libano konocesis kom "la Suisia de Mez-Oriento".

Historio[redaktar | edit source]

Lia anciena nomo esis Be'erot, pluralo di beer, Hebrea vorto signifikante 'puteo' o 'fonto'[1][2]. Lua loko habitesis de la prehistorio.

Situo di anciena Feniciana habiteyo, depos la regiono apartenis ad Egiptia, Asiria, Babilonia e persian imperio. Alexandros la Magna konquestis ol, e pos lia morto la regiono apartenis ad Egiptia til la yaro 200 aK, kande Antiochus 3ma la Magna konquestis ol por Seleucid imperio.

Romani konquestis la regiono en la yaro 64 aK, ed en 14 aK ol divenis Romana kolonio (Colonia Iulia Augusta Felix Berytus). Un ter-tremo e pos un ondego destruktis ol en la yaro 551 pos Kristo. En 635 Arabi okupis ol. En 975 Bizancani konquestis ol. De 1110 til 1291 l'urbo apartenis a la Rejio di Jerusalem, kreita dum Krucomiliti. En 1291 emiro Sandjar al-Shudja rikonquestis ol. En 1516 l'urbo dominacesis da Otoman imperio. En 1888 ol divenis chef-urbo di un Wilayah (gubernio) establisita en Siria.

Beirut en 1910.

En 1894 Franciani establisis nova portuo en la regiono e komencis konstruktar fer-voyo. En 1907 la precipua extera komerco dil urbo facesis kun Marseille. En 1911 Encyclopaedia Britannica kalkulis ke 36,000 mohamedani, 77,000 kristani, 2,500 Judi, 400 Druzi e 4,100 stranjeri vivis en Beirut. En 1919 pos la vinkeso di Otoman imperio en l'unesma mondomilito l'urbo divenis parto di Franca administro por Siria e Libano, qua recevis nedependo nur en 1946.

En 1975 komencis Libanana interna milito qua lastis til 1990. En 1982 komencis la Libanana milito di 1982 kun la partopreno di Israelana e Siriana armei, qua lastis til 1985. L'urbo sufris granda destruktadi dum ta periodo.

Pos 1990 okuris granda rikonstruktado, e l'urbo riganis lia stando kom turistala, kulturala ed intelektuala centro en Mez-Oriento. De 12 di julio til 14 di agosto 2006 l'urbo sufris bombardi dum la Libanana milito di 2006, anke konocita kom Israel-Hezbollah-milito.

Geografio[redaktar | edit source]

Sideyo di Libanana guverno, en Beirut.

Beirut jacas en un peninsulo qua extensas su weste en Mediteraneo, cirkum 94 km norde de la frontiero Israel-Libano. Lua teritorio havas triangulala formo.

Lua klimato esas Mediteranea, kun varma e sika dii dum somero. Autuni e printempi esas varma, ma pluvoza. Dum vintro la mezvalora temperaturo esas 11ºC e la pluvi esas plu intensa.

Fratala urbi[redaktar | edit source]


Referi[redaktar | edit source]

  1. History - Beirut, 999Beirut