Historio di Komori

De Wikipedio
Irez ad: pilotado, serchez

La maxim anciena habitanti di Komori esis Afrikani ed Austroneziani, qui arivis en l'insuli admaxime dum la 6ma yarcento pos Kristo. La maxim anciena arkeologiala loko konocata en Komori, en l'insulo di Nzwani (Anjouan), datizas de ta epoko. Populi qui parolis Swahili-linguo arivis en l'arkipelago dum l'unesma yarmilo.

Arabi komercisti trovis islamo a l'insuli. Araba koloniigo en l'insuli kreskis kande Zanzibar krulis en manui di Omani. Diversa rivala sultanii koloniigis l'insuli dum la 16ma e 17ma yarcenti.

Sultano Said Ali bin Said Omar de Komori.

Portugalani komencis explorar l'insuli en 1505. En 1793 Madaskariani komencis marodar l'insuli por sklavi, e pos kontrolis diversa regioni. Francia komenicis okupar l'arkipelago En 1841. En 1886 rejino Salima Machimba pozis l'insulo di Mohéli sub Franca protekto. Sama yaro, sultano Said Ali de Granda Komoro anke aceptis Franca protekto, quankam il sejornis suvereno til 1909. Franca generala-guberniestro en Madagaskar administris l'insuli pos 1914.

Flago di Komori

Ye la 6ma di julio 1975 Komoriana parlamento deklaris unilatere la nedependo di lando. Ahmed Abdallah Abderemane divenis l'unesma prezidanto di lando, ma en 3 di agosto sam yaro okuris stato-stroko, e Said Mohamed Jaffar asumis povo.


Historio di Afrika
Aljeria | Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Etiopia | Gabon | Gambia | Ghana | Guinea | Guinea Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | Sao Tome e Principe | Senegal | Sierra Leone | Seycheli | Somalia | Sud-Afrika | Sudan | Sud-Sudan | Swazilando | Tanzania | Tunizia | Togo | Uganda | Zambia | Zimbabwe
Dependanta teritorii

Ceuta | Kanarii | Madeira | Melilla | Westala Sahara | Mayotte | Reunion | Sokotra

Ne agnoskata nedependesi
Somalilando | Puntlando