Insuli Salomon

De Wikipedio
(Ridirektita de Salomon Insuli)
Salti al navigilo Salti al serĉilo
Insuli Salomon
Solomon Islands
Flag of the Solomon Islands.svg Coat of arms of the Solomon Islands.svg
Standardo di Insuli Salomon Blazono di Insuli Salomon
Nacionala himno:
God Save our Solomon Islands
LocationSolomonIslands.png
Urbi:
Chefurbo: Honiara
· Habitanti: 84 520 (2017)
Precipua urbo: Honiara
Lingui:
Oficala lingui: Angla
Guvernerio:
Tipo: Monarkio
· Rejino: Elisabeth la 2ma
· Chefministro: Manasseh Sogavare
Surfaco: (142ma granda)
· Totala: 28 400 km²
· Aquo: 3,2 %
Habitanti: (162ma granda)
· Totala: 599 419[1] (2016)
· Denseso di habitantaro: 18,1 hab./km²
Plusa informi:
Valuto: Dolaro di Insuli Salomon
Veho-latero: sinistre
ISO: SB
SLB
090
Reto-domeno: .sb*
Precipua religio: kristanismo


Insuli Salomon esas insul-grupo en Oceania, sude de Pacifiko, qua konsistas ek 6 precipua insuli e plu kam 900 insuleti este de Papua-Nova-Guinea.

Bazala fakti pri l'insuli Salomon:

Historio[redaktar | redaktar fonto]

 Precipua artiklo: Historio di Insuli Salomon

L'insuli nomizesis dal Hispana explorero Álvaro de Mendaña. Kande ilu deskovris l'insuli, ilu kredis ke li esas la Biblala lando Ophir, de ube on adportis oro a Rejulo Salomon, pro l'oraji werata dal insulani.

Dum la Duesma mondomilito kelka importanta kombati eventis che l'insuli. La maxim importanta esis la batalio di Guadalcanal, del 7ma di agosto 1942 til la 9ma di februaro 1943, inter Usana e Japoniaana trupi. Usa vinkis, e 31 mil Japoniani e 7 mil Usani perisis lor la batalio.

Insuli Salomon divenis nedependanta del Unionita Rejio ye la 7ma di julio 1978.

Politiko[redaktar | redaktar fonto]

Insuli Salomon esas konstitucala monarkio. La chefo di stato esas rejino Elizabeth la 2ma, reprezentata da generala guberniestro, qua elektesas dal parlamento por 5 yari. La chefo di guvernerio esas la chefministro, qua elektas l'altra ministri ed elektesas dal parlamento.

La parlamento havas unika chambro kun 50 membri, qui elektesas dal populo por 4 yari. Omna civitani evanta 21 yari o pluse darfas votar.

Geografio[redaktar | redaktar fonto]

La precipua fluvii di la lando esas Lunga, Matanikau e Tenaru, la tri nur navigebla per kanoi.

Ekonomio[redaktar | redaktar fonto]

 Precipua artiklo: Ekonomio di Insuli Salomon

Preske 75% del habitanti praktikas agrokultivo o pesko por entrateno e produktas nulo por exportaco. Kun 600 -dolara-TNP po persono, l'Insuli Salomon judikesas kom povra lando.

Demografio[redaktar | redaktar fonto]

Demografio di Salomon Insuli, de 1961 til 2004

Segun statistiki de The World Factbook por julio 2018, Insuli Salomon havis 660 121 habitanti. Segun etnio, 95,3% esis Melaneziani, 3,1% esis Polineziani, 1,2% esis Mikroneziani, e 0,3% esis altra etnii.[2]

La linguo oficala esas Angla, tamen parolata nur da 1% o 2% de la habitantaro. Altra lingui parolata esas Melaneziana pidgin e cirkume 120 lokala lingui.[2]

La procento di habitantaro segun religio esas: protestantismo: 73,4% (Eklezio di Melanezia 31,9%, Evangeliani de Suda Maro 17,1%, Adventisti de la 7ma Dio 11,7%, ed altri). Katoliki esas 19,6%, altra kristani 2,9%, altra religii 4%, nula religio 0,03%, sen informo 0,1%.[2]

La viv-espero en 2007 esis 66,7 yari por la mulieri, e 64,9% por la viri.[3]

Kulturo[redaktar | redaktar fonto]

Radio esas la maxim influanta komunikala moyeno en la lando pro la interdifero di lokala lingui, iliterateso[4] e desfacileso por recevar televizion-signali en kelka parti di la lando.

Referi[redaktar | redaktar fonto]

  1. World Population Prospects: The 2017 Revision. United Nations Department of Economic and Social Affairs, Population Division. URL vidita ye la 10ma di septembro 2017.
  2. 2,0 2,1 2,2 Australia - Oceania::Solomon Islands - The World Factbook. CIA. URL vidita ye la 23ma di julio 2019.
  3. Human Development Report 2009 – Solomon Islands.
  4. BBC News


Landi e teritorii en Oceania
Atolo Johnston | Atolo Midway | Australia | Estal Timor| Fidji | Franca Polinezia | Guam | Havayi | Insulo Baker | Insuli Cook | Insulo Howland | Insulo Jarvis | Insulo Wake | Insuli Marshall | Insuli Salomon | Kingman Rifo | Kiribati | Federata Stati di Mikronezia | Nauru | Nova Kaledonia | Nova-Zelando | Niue | Norfolk | Norda Mariani | Palau | Palmyra | Papua-Nova-Guinea | Pitkern | Samoa | Tokelau | Tonga | Tuvalu | Usana Samoa | Vanuatu | Wallis e Futuna