Olimpiala Ludi en London, 1908

De Wikipedio
Irez ad: pilotado, serchez
Olympic games 1908 London.jpg

L'Olimpiala Ludi en London, 1908, od oficale la 4ma Olimpiala Ludi, esis internaciona plursporta konkurso qua eventis en 1908 en London, Unionita Rejio. Lore unesmafoye l'Olimpiala Ludi eventis en London.

La Ludi komencis ye la 27ma di aprilo e finis ye la 31ma di oktobro 1908. Ta Olimpiala Ludi duris maxim longe: 187 dii, o 6 monati e 4 dii. Partoprenis 2.008 atleti (37 mulieri e 1.971 viri) de 22 landi. Esis 110 eventi de 22 sporti. Li judikesas anke kom la 4ma moderna Olimpiala Ludi, pos la refuzo da l'Internaciona Olimpiala Komitato aceptar la nomizita "Interpozita Ludi di 1906", qui eventis en Athina kom Olimpiala Ludi.

Komence Roma elektesis en 1904 kom l'eventeyo por la Ludi en 1906. Tamen, ye la 7ma di aprilo 1906 monto Vesuvio eruptis e devastis Napoli. La kapitali destinata a la Ludi en Roma riasignesis por rikonstruktar Napoli. Do, nova eventeyo bezonesis, e London selektesis. Pose, Roma esis l'eventeyo por la Ludi en 1960.

Kelka fakti[redaktar | edit source]

La maratonisto Dorando Pietri transkuras la limito.
Medalio di l'Olimpiala Ludi en 1908.
  • La distanco por kurar maratono kreskis de 42 km til 42,195 metri.
  • Italian atleto Dorando Pietri esis l'unesma qua sucesis parkurar la maratono, ma ilu desqualifikesis pro recevar helpo da kelka personi lor falo dum kurado.
  • Unesmafoye, eventis konkurso di agro-hockey en l'Olimpiala Ludi. Sis esquadi partoprenis. Anglia, Skotia, Irlando e Wals konkursis separite. Anglia ganis ora medalio, Irlando ganis arjenta, dum ke Wals e Skotia dividis bronza.
  • Unesmafoye en l'Olimpiala Ludi, atleti marchis sub la flagi di lia landi.
  • Atleti de Finlando refuzis marchar sub la flago di Rusa Imperio. Kelki marchis sub la Finlandana flago, ed altri refuzis uzar irga flago.
  • On obliviis desfaldar la flago di Suedia en la stadio. Konseque, Sueda atleti refuzis partoprenar l'inauguro-ceremonio.
  • Australia e Nova-Zelando partoprenis kom unika esquado, nomizita Australazia.
  • L'Otoman imperio, sub la nomo "Turkia", partoprenis unesmafoye.
  • Sueda Oscar Swahn, qua ganis du ora medalii por pafado vers nefixa emo, divenis la maxim olda konkursanto en la historio dil Olimpiala Ludi.
  • Unionita Rejio ganis ora medalio por futbalo.
  • Unionita Rejio ganis anke omna 5 ora medalii por boxo ed omna 6 ora medalii por teniso, sur kombateyo kovrita e nekovrita .
  • De la 6 konkursi pri natado, Unionita Rejio ganis ora medalii por 4. Usa ganis ora por 100-metra mixita stilo, e Germana imperio ganis ora por 100-metra retro-stroko.

Medalii ganita[redaktar | edit source]

Landi partopreninta l'Olimpiala Ludi en 1908. Blue, la landi qui partoprenis unesmafoye.
Stadio White City, en julio 1908.

Yen la listo di landi qui recevis adminime 1 bronza medalio en 1908.

# Lando Ora Arjenta Bronza Entote
1 Flag of the United Kingdom.svg Unionita Rejio 56 51 39[1] 146
2 Flag of the United States.svg Usa 23 12 12 47
3 Flag of Sweden.svg Suedia 8 6 11 25
4 Flag of France.svg Francia 5 5 9 19
5 Flag of Germany.svg Germania 3 5 5[1] 13
6 Flag of Hungary.svg Hungaria 3 4 2 9
7 Canadian Red Ensign 1868-1921.svg Kanada 3 3 10 16
8 Flag of Norway.svg Norvegia 2 3 3 8
9 Flag of Italy.svg Italia 2 2 0 4
10 Flag of Belgium.svg Belgia 1 5 2 8
11 Flag of Australasian team for Olympic games.svg Australazia 1 2 2 5
12 Flag of Russia.svg Rusia 1 2 0 3
13 Flag of Finland.svg Finlando 1 1 3 5
14 Flag of the United Kingdom.svg Sudafrika 1 1 0 2
15 Flag of Greece.svg Grekia 0 3 0 3
16 Flag of Denmark.svg Dania 0 2 3 5
17 Flag of Bohemia.svg Bohemia 0 0 2 2
17 Flag of the Netherlands.svg Nederlando 0 0 2 2
19 Flag of Austria.svg Austria 0 0 1 1
Totali 110 107 106 323

Referi[redaktar | edit source]

  1. 1.0 1.1 La statistiko de l'Internaciona Olimpiala Komitato (IOK) prizentas la bronza medalio ganita da Dorothy Greenhough-Smith kom Germana, ne Britaniana. Yen la korekta statistiko.