Historio di Santa Kitts e Nevis
Santa Kitts e Nevis ja habitesis posible depos 3.000 yari ante nun, ante l'arivo dil populo Arawak. Tamen, la nomo e l'origino di ca unesma habitanti esas nekonocata[1]. indijeni Kalinango, de etnio Karib, esis la lasta populo qua establisis su an l'insuli, ed arivis ibe 300 yari ante l'Europani. L'arkipelago deskovresis da Cristoforo Colombo en 1493, e probable nomesis da lu segun la patron-santo dil dio.
En 1538, Franca hugenoti establisis su en Santa Kitts, ma la Hispani destruktis la kolonio e deportis la transvivinti. En 1623, Angli establisis kolonio en l'insulo, e pose la Franci. Angli e Franci unionis por konfrontar le Kalinago e facis gentocido kontre li en 1626. Tri yari pose, en 1629, Hispani komandita da Fadrique de Toledo invadis Santa Kitts ed ekpulsis l'Angli.
Insulo Nevis koloniigesis dal Angli en 1628. De ibe, ol komencis koloniigar altra insuli, exemple Antigua, Montserrat, Anguila e Tortola.
Dum la duesma milito Angla-Nederlandana, de 1665 til 1667, relati inter Angla e Franca koloniigisti bitreskis, nam lia landi esis en opozanta lateri dum la milito. Britaniani okupis omna teritorio en 1814, e formacis kolonio nomizita St.Kitts-Nevis-Anguila.
Santa Kitts-Nevis-Anguila recevis autonomeso en 1967. Anguila rebelesis e divenis separita kolonio en 1971. Santa Kitts e Nevis divenis nedependanta de Unionita Rejio ye la 19ma di septembro 1983. En 1998, uragano Georges efektigis cirkume 458 milion dolari en domaji, e afektis la TNP di la lando dum du yari.
Referi
[redaktar fonto]- ↑ Videz, exemple, l'artiklo Nevis Heritage excavation reports, 2000-2002, Arkeologio-fako, Universitato Southampton, 8ma di agosto 2006.