Historio di Jamaika

De Wikipedio
Irez ad: pilotado, serchez
Flago di Jamaika.

Arawak e Taino indijeni habitis Jamaika kande Cristoforo Colombo deskovrezis l'insulo en 1494. La sudo dil insulo koncentris granda parto di indijena populo. Taino indijeni nur habitis l'insulo kande Britaniani konquestis ol[1]. Colombo revendikis l'insulo por Hispania en 1494, e posible il desembarkis en la regiono nune nomizita Discovery Bay. En 1534 Hispaniani fondis l'urbo di "Villa de la Vega" - nune Spanish Town - qua divenis chef-urbo di Hispaniana e pos di Britaniana kolonio, til la 19ma yarcento.

Dum 100 yari, de 1555 til 1655 l'insulo divenis sub ataki di pirati. En 1654 Oliver Cromwell sendis expediciono a Karibeano komandita da Anglian admiralo William Penn e generalo Robert Venables, qui finale en 1655 sizis Jamaika e konquestis lasta Hispaniana fortuo[2]. Pos 1670 la pirateso suportita da Anglia komencis desaparigar, pos Hispanian imperio renuncar a la kontrolo di Angliana konquesti.

En 1660 Jamaikana populo esis 4,500 blanki e 1,500 nigri, e maxim frue la 1670a yari, nigra habitanti esis la majoritato di la populo[3].

Dum la sequanta 200 yari Jamaika divenis un di la precipua produktanti di sukro de sukrokano dil mondo, e produktis 77,000 tuni di sukro omnayare de 1820 til 1844. Kun la fino di sklaveso en 1807, Unionita Rejio komencis importar Chiniani e Indiani kom aprentis-kontraktisti por verkar en plantacerii.

Jamaika divenis nedependanta de Unionita Rejio ye la 6ma di agosto 1962.

Referi[redaktar | edit source]

  1. jamaicans.com. "The Taino of Jamaica (Jamaica)".
  2. Jamaica National Heritage Trust. "Jamaica's English History".
  3. "A failed settler society: marriage and demographic failure in Jamaica" Journal of Social History, Fall, 1994