Historio di Dominika

De Wikipedio
Irez ad: pilotado, serchez
Flago di Dominika.

Insulo nomesis da Cristoforo Colombo qua deskovris ol ye sundio (en Latina dominica), la 3ma di novembro 1493. En 1635 Francia reklamacis l'insulo kom lua teritorio. Lore, Franca misioneri divenis l'unesma Europana habiteri dil teritorio. Lua situeso, inter Martinik e Guadelupa faciligis Franca administro e koloniizo.

En 1763 kom rezulto di Sep-yara milito l'insulo divenis Britaniana posedajo. En 1778 dum l'Usana revolucionala milito Francia muntis sucesoza invado kun la koopero di lokala habitanti. Tamen, en 1783 kun la kontrato di Paris, Francia retrodonis l'insulo a Unionita Rejio.

En 1763 Britaniani establisis legifala asemblajo, qua reprezentis nur blanka habitanti. En 1831 tre nigra habitanti komencis partoprenar en l'asemblajo. En 1838 pos l'aboliso di sklaveso Dominika divenis l'unika Britaniana kolonio ube nigri kontrolis legifantaro.

Dum la 20ma yarcento pos l'Unesma mondomilito on komencis kreskar politikala koncio en Karibeana regiono pri autonomio e nedependo. Dominika esis administrita kom parto di la federuro di Westal Indii de 1958 til 1962, e pos un stato asociita kun Unionita Rejio en 1967. Fine ol divenis nedependanta ye la 3ma di novembro 1978.