Historio di Slovenia

De Wikipedio
Irez ad: pilotado, serchez
Nuna Slovenia e l'anciena Romana provinci di Pannonia, Noricum, Italia e Dalmatia.

Nuna Slovenia ja habitesis de la prehistorio. Un osto di urso borita, evante cirkum 43,000 yari esas posible la maxim anciena muzikal instrumento ja trovita en la mondo.

Dum lua historio, Sloveniana teritorio apartenis a diferenta stati. Romani konquestis la regiono dum l'1ma yarcento aK, ed establisis la provinci di Panonia e Noricum. La centro e la westo di nuna Slovenia esis parto di la provinco Venetia et Histria. La sudo apartenis a la provinco di Dalmatia. Ante la Romani, Iliri e Kelta tribui vivis en la regiono.

Slava tribui, ancestri di nuna Sloveni, enmigris vers la regiono dum la fino dil 6ma yarcento. Li submisis su a la dominacajo di l'Avari, komandita da rejulo Samo, en 623. En 745 la regiono submisesis a Bavariani e pose a l'imperio di Karolus la Granda.

Dum la 14ma yarcento, Slovenia esis parto de Habsburg-imperio, e pose de Austrian imperio, inter 1815 e 1866. Sloveniani lore habitis la regioni di Kranjska, Goriška en Gradiščanska e parti di Istria. Kelka Sloveni anke habitis l'Otoman imperio.

Dum la fino di Mez-epoko la regiono sufris ekonomiala krizo pro l'ataki di Turki. En 1515 okuris granda revolto di rurani, ed en 1572 e 1573, altra.

Trupi de Santa romana imperio militas kontre Otomani en Sloveniana teritorio.

De 14 di julio 1683 til 26 di januaro 1699 okuris la Granda turka milito. La Santa Romana imperio, Rusian imperio, Polonia-Lituania, Hispanian imperio ed altra luktis kontre Otomani pri teritorii en Europa. Otomani cedis Slavonia a Santa Romana imperio, e Venezia prenis kontrolo di granda parto di Dalmatia.

De la komenco dil 18ma yarcento til la komenco dil 19ma yarcento Slovenia vivis pacoza epoko kun pasabla ekonomiala kresko. L'urbo di Trieste deklaresis libera portuo en 1718, kreskanta l'ekonomio di la regiono. En 1848, nacionala movado nomita Zedinjena Slovenija aparis en regiono.

Italiana militala kaptiti dum Isonzo-batalio.

Pro la manko di ekonomial oportunaji, de 1880 til 1910 cirkum 300,000 sloveniani (1 de omna 6 habitanti) ekmigris vers altra landi, specale Usa, ma anke vers Arjentinia. Kande l'unesma mondomilito komencis, Slovenia restis en la fronto di kombato inter Italiani ed Austriani. Inter 1915 e 1917 okuris 12 batalii en la valo di Isonzo rivero (nune Soča rivero). Cirkum 300,000 Italiani e 200,000 Austri-Hungariani perdis la vivo en la batalii.

Proklamo dil stato di Serbiani, Kroatiani e Sloveniani.

Kande la milito finis, Slovenia unionesis kun Serbia e Montenegro por formacar la Rejio di Serbiani, Kroatiani e Sloveniani, pose rinomizita Yugoslavia, kontre la volunto di 70% de Sloveniana parlamentani. Tamen, Sloveniani mantenis kelka kulturala autonomeso en la rejio, e pose en la republiko di Yugoslavia. Opozite, Sloveni en Italia, Austria e Hungaria sufris koakti por asimileso, e kelkafoye violenta persekuti.

Adolf Hitler vizitas Maribor, en aprilo 1941.

Dum la duesma mondomilito Slovenia invadesis e dividesis komplete da Nacionalsocialista Germania, Italia e Hungaria. En centrala Slovenia, okupita da Italiani, kreesis la Nacionala Fronto por Libereso, qua formacis partizani por kombatar kontre nacionalsocialisti. Ica kreis la strukturo por futura Sloveniana stato en Yugoslavana federuro. Kande la milito finis Yugoslavia divenis komunista stato, e Slovenia divenis un di la republiki de la Republiko Socialista Federala di Yugoslavia.

Slovenia deklaris sua nedependo ye la 25ma di junio 1991 e pos 10-dii milito, okuris armistico. Lasta Yugoslaviana trupi livis lando en oktobro 1991. Em decembro sam yaro lando adoptis lua konstituco.

Europana Uniono agnoskis Sloveniana nedependo en 1992, e lando divenis membro di Unionita Nacioni en mayo sam yaro. En 1 di mayo 2004 Slovenia divenis membrostato di EU.

Bibliografio[redaktar | edit source]

  • Jozko Šavli, Matej Bor and Ivan Tomazic, Veneti: first builders of European community - Editiones Veneti, Vienna 1996.
  • Paulus Diaconus, Historia Langobardorum IV, 7.
  • Jean Bodin, Les six livres de la République.- Paris. 1576
  • Jozko Šavli, Karantanija- Editorial Humar, Nova Gorica, 2007.
  • Jožko Šavli, Slovenia: Discovering a European Nation, Humar Publisher, Slovenia (2004). ISBN 961-6097-19-9


LocationEurope.png
Historio di Europa
Albania | Andora | Austria | Belgia | Bielorusia | Bosnia e Herzegovina | Bulgaria | Chekia | Dania | Estonia | Finlando | Francia | Germania | Grekia | Gruzia | Hispania | Hungaria | Irlando | Islando | Italia | Kroatia | Latvia | Liechtenstein | Lituania | Luxemburgia | Macedonia | Malta | Moldova | Monako | Montenegro | Nederlando | Norvegia | Polonia | Portugal | Rumania | Rusia | San Marino | Serbia | Slovakia | Slovenia | Suedia | Suisia | Ukrainia | Unionita Rejio | Vatikano
dependanta teritorii: Alando | Faero | Gibraltar | Guernsey | Jersey | Man-Insulo | Svalbard e Jan Mayen