Historio di Bhutan

De Wikipedio
Jump to navigation Jump to search

Unesma evento transskribita en Bhutan esis la paso di budista santo Padma Sambhava en 747. Granda parto di lua anciena historio esas nekonocata, pro fairo qua destruktis lua anciena chef-urbo, Punakha, en 1827[1]. En la 10ma yarcento lua politikala developo subisis granda influo de la religio.

Fortreso (Dzong) en Paro, Bhutan, konstruktita en 1646.

Dum Britaniana dominacajo en India, Britaniani probis kontrolar la teritorio di Bhutan, ma lua suvereni jeris por prezervar la nedependo. Kande India divenis nedependanta en 1947 Britaniani abandonis lua voli pri kontrolar la rejio, ed India divenis la protektero di Bhutan. Nur en 1949 la du landi signatis pakto qua agnoskis Bhutanana nedependo.

Palaco Tashichoedzong, sideyo di Bhutanana guvernerio pos 1952.

En 1953, rejulo Jigme Dorji Wangchuck establisis lokala asemblajo kun 130 membri quale legifala povo, por promocar plu demokratiala formo di guvernerio. Bhutan divenis membro di Unionita Nacioni en 1971, ankore dum la regno di Jigme Dorji Wangchuck. Lua sucedanto, rejulo Jigme Singye Wangchuck komencis politikala reformi, e alienis parto di lua povo a la Konsilantaro di Ministri. Ilu anke permitis l'akuzo kontre la rejo, per sanciono di 2/3 de la Nacional Asemblajo[2].

Dum la fino di la yari 1980ma e la komenco di la yari 1990ma, Bhutan ekpulsis granda nombro di Bhutanani kun Nepalana origino. Segun l'Unionita Nacioni, cirkume 107 000 Bhutanani vivis refujinta an l'esto di Nepal en 2008.

En 1999 la guverno di Bhutan eliminis l'interdikto di televiziono ed Interreto. Bhutan esis un ek la lasta landi de la mondo qui adoptis televiziono. Nova konstituco por la lando prizentesis en 2005.

Referi[redaktar | redaktar fonto]

  1. "Taktshang: a Buddhist legend" Buddhist Channel
  2. Klus Hoffman. Democratization from above: The case of Bhutan. democracy-international.org.