Historio di Myanmar
Myanmar anke konocesas kom Burma, quo havas longa historio. Homi ja habitis la regiono cirkum 11.000 yari ante nun, ma l'unesma konocata civilizeso esis la populi Pyu. Le Pyu vivis en Burma cirkum l'1ma yarcento aK, ed establisis diversa rejii. Dum ta periodo, Burma esis parto di terala komercala itinerario inter India e Chinia. On ne eventis militi inter Pyu populi.
Dum la 6ma yarcento Mon rejio di Dvaravati extendis lua frontieri vers la regiono di Tanintharyi. Kun la submiso dil imperio Kmer de Angkor dum la 11ma yarcento, Mon-populi movis plu weste aden nuna Myanmar. Mon-populi adoptis Indiana kulturo e budismo kom religio.
Dum fino di la 18ma yarcento, rejulo Bodawpaya decidis expansar weste lua imperio. Ilu konquestis Arakan en 1784, anexis Manipur en 1813 e kaptis Assam de 1817 til 1819. Lua sucedinto, rejulo Bagyidaw, probis supresar revolti stimulita dal Britaniani en Manipur ed Assam. La konflikti kun Britaniani rezultis e l'unesma Angla-Burma milito (1824 til 1826). La maxim kustoza milito en la historio di Britanian India[1] rezultis en vinko por Unionita Rejio.
Unionita Rejio militis altra du foyi kontre Burma, de 1852 til 1853 e de 1885 til 1886. L'administrado Britaniana adportis a Burma multa sociala, ekonomiala, kulturala ed administrala modifiki.
Pos la kapitulaco di Mandalay, lando anexesis ye la 1ma di januaro 1886. Multa Indiani arivis dum kolonial epoko kom civila servinti, soldati, laboristi por la konstruktado di edifici, komercisti e, kune la komuneso di mestici Angla-Burmani, dominacis komercala e civila vivo di lando. Rangoon divenis chefurbo di la kolonio ed importanta portuo inter Kalkuta e Singapur.
Referi[redaktar | redaktar fonto]
- ↑ Thant Myint-U (2006). The River of Lost Footsteps--Histories of Burma. Farrar, Straus and Giroux. p. 113. ISBN 978-0-374-16342-6, 0-374-16342-1
.svg)