Historio di Jordania

De Wikipedio

La historio di Jordania komencis cirkume 2.000 yari aK, kande semitika populi establisis su apud la fluvio Jordan. Pose, Hititi, Egiptiani, Israelani, Asiriani ed altra populi invadis ed okupis la regiono. Romani okupis l'anciena urbo Filadelfia (nun Amman) en 106. En 326 kristanismo divenis l'oficala religio di Romana Imperio, e Filadelfia divenis sideyo di episkopio.

De 661 til 750 la regiono divenis parto dil imperio Umayyad, qua introduktis islamo. Pose la regiono divenis parto del kalifio Abasida, qua guvernis til 1258. En 1516 Otomani okupis la regiono.

Jordania divenis parto di Otoman imperio til fino dil Unesma mondomilito. En 1925 Unionita Rejio okupis la regiono, administrita sub la nomo Transjordania. Ol divenis nedependanta de Unionita Rejio ye la 25ma di mayo 1946.

En 1948, Jordania partoprenis Araba-Israelana milito kontre Israel. La lando kontrolis la regiono Cisjordania til 1967 kande Israel okupis ol. Dum la milito dil Yon Kippur Jordania sendis soldati por suportar Siria kontre ataki de Israel, ma ne kombatis direte en Israelana o Jordaniana teritorii. En 1988 rejulo Hussein dissolvis parlamento ed abandonis reklamaci pri Cisjordania. Ye la 25ma di julio 1994 Jordania signatis paco-pakto kun Israel.

En 1999 pos longa kuraco kontre kancero, la rejulo Hussein mortis. Lua filiulo Abdullah la 2ma sucedis il.