Historio di Pakistan

De Wikipedio
Irez ad: pilotado, serchez
Flago di Pakistan.

Un de la maxim anciena civilizesi di la mondo, l'Indus-kulturo, prosperis en la nuna Pakistan adminime 5 000 yari ante nun. En l'areo di Balukistan, apartenanta a Pakistan, trovesis restaji de agrokultivo, domestika animali e poti facita per turnili. Che la restaji di la du granda urbi suatempa, Harappa e Mohenjo-Daro, esas traiti de altadevelopita teknologio, urbala projektado ed aquala manteno. Li apartenas a la Harappana kulturo (2 500-1 600 aK). Pos lo a l'areo arivis kom enmigranti o konquestanti Aryani, Persiani, Grekiani, Skitiani, Arabiani, Afgani e Turkiani. L'urbo di Taksila en Punjab, che la Silkovoyo inter Indus- e Hydaspes-riveri, developis su kom centro di la kulturo ed ekonomiko. Ol fondesis en la 4ma yarcento aK e florifis de la 2ma yarcento til la 5ma yarcento pK. L'Arabi invadis India dum la 8ma yarcento e pos lo altra Muhamedana populi invadis la lando dum multa yarcenti. Duktata da yuna Muhammad bin Qasim l'Umayadi konquestis Sindhi en 711 e fondis ibe Muhamedana stato. En la 13ma yarcento Turka konquestanti fondis la Sultanio di Delhi. Dum la 15ma yarcento India esis administrata da Muhamedani ma ol esis necentraligita. La povo kaptesis en Delhi per violento: plu kam duimo de la sultani perisis en asasini.


Nuvola apps ksig.png Ica artiklo esas klado.
Tu povas helpar per adjuntar ad ol.


Pakistan divenis nedependanta de Unionita Rejio ye 14 di agosto 1947.