Historio di Tajikistan

De Wikipedio
Irez ad: pilotado, serchez
Monumento en honoro a Samanida dinastio, konsiderita l'unesma Tajika stato.

De 819 til 999 Tajikistan guvernesis da Samanida dinastio, Persiana stato ed imperio fondita da Saman Khuda. Samanidi rinovigis Persiana kulturo ed propagis sunita islamo. L'unesma tradukuro di Korano aden Persiana linguo facesis dum Samanida dinastio. L'urbi Samarkand e Bukhara kreskis e divenis kulturala centri por Tajika kulturo.

Dum 19ma yarcento Rusian imperio komencis expansar su tra Central Azia. De 1864 til 1885 Rusian imperio gradope obtenis kontrolo di Rusiana Turkestan, regiono qua extensis su de Kazakstan til Kaspia maro e til la bordero kun Afganistan en sudo. Pos Rusiana Revoluciono en 1917 komencis militeto kontre bolsheviki por mantenar Tajikistan nedependanta, ma pos 4 yari bolsheviki vinkis, e moskei e vilaji brulesis.

En 1924 l'"Autonoma Tajika Socialista Sovieta Republiko" kreesis.

Rusa specala forci en Tajikistan dum l'interna milito, 1992.

Tajikistan deklaris nedependo de Sovietia la 9ma di septembro 1991. L'unesma lando qua establisis ambasadeyo en Dushambe esis Iran, en 1991. Preske nemediate pos nedependo komencis interna milito, kun facioni bazata en klani. Ne-islama populo, quale Rusi e judi abandonis lando pro persekuto.

Pos finar la milito eventis elekto, e Emomalii Rahmon vinkis ex-chefministro Abdumalik Abdullajanov kun 58% dil voti[1]. Lando restis devastita dal milito, qua produktis cirkum 100,000 morti e cirkum 1,2 milion refujinti en vicina landi[2]. Un pafado-halto eventis en 1997.

Referi[redaktar | edit source]

  1. http://www.wrmea.com/backissues/0695/9506053.htm
  2. Tajikistan: rising from the ashes of civil war Unionita Nacioni