Historio di Yemen
La litoro di Yemen habitesis dum multa yarcenti da diferanta civilizuri. La relate fertila sulo ed adequata quanto di pluvo helpis sustenar stabila habitanti en la regiono. Romani konocis la regiono di la nuna Yemen kom Arabia Felix (Joyoza Arabia) pro la richeso produktita da lua komerco. Romana imperiestro Augustus Caesar esforcis konquestar la regiono, ma ne sucesis.
Mohamedana religio arivis en Yemen en 630. La kunfederuro di tribui Banu Hamdan esis un ek l'unesma qua aceptis la nova religio. La profeto Mohamed ipsa sendis Muadh ibn Jabal por la nuna Taiz, e skribis literi a la lokala princi. Kristani e Judi qui vivis en Najran aceptis pagar Jizya a la Mohamedana suvereni. En 818, Muhammad ibn Abdullah ibn Ziyad fondis la dinastio Ziyadid, qua guvernis regiono inter Haly (nune en Saudi-Arabia) e Sanaa.
En 1517 la nordo di Yemen okupesis dal Otoman imperio. La regiono divenis nedependanta de Otomani en 1918 ed, en 1962 ol divenis republiko kun nomo Yemena Araba Republiko. En 1967 Britaniani foriris Sud-Yemen qua adoptis, en 1970, komunista rejimo.
En 22ma di mayo 1990, anciena Sud-Yemen unionis kun Yemena Araba Republiko por formacar nuna Yemen. En 2011, pos revolucioni en Egiptia e Tunizia qua renversis diktatoresi, komencis protesti en Sanaa qua demandis l'abdiko di prezidanto Ali Abdullah Saleh, qua guvernis Nordal Yemen de 1978 til 1990, e pose Yemen de 1990 til nun.
.svg)