Olimpiala Ludi en México, 1968

Simbolo di l'Olimpiala Ludi en México, 1968.

L'Olimpiala Ludi en México, 1968, od oficale la 19ma Olimpiala Ludi, esis internaciona poli-sportala konkurso qua eventis ye 1968 en México, Mexikia. Ol esis l'unesma foyo kande developanta lando hostis Olimpiala Ludi, e l'unesma foyo en lando en qua on parolas la Hispaniana.

La Ludi komencis ye 12 di oktobro e finis ye 27 di oktobro 1968. En la Ludi partoprenis 5.530 atleti (4750 viri e 780 mulieri) de 112 landi e teritorii qui havis Olimpiala komitati. Okuris 172 eventi de 20 sporti.

Kelka fakti

Tuniziana atleti en la ceremonio di aperto en México, 1968.

• Dum la premio-ceremonio di 200 m kuro Usana nigra atleti Tommie Smith (qua ganis ora medalio) e John Carlos (qua ganis bronza medalio) levis nigra ganti kom homajo por Nigra Povo (Black Power) movado. Li sufris proskriptajo-puniso de l'Olimpiala Komitato.
• La probi kontre dopado esis uzita unesma foyo. Suediana atleto Hans-Gunnar Liljenwall esis desqualifikita pro l'uzado di alkoholo.
• Dek dii ante l'Olimpiala Ludi, ye 2 di oktobro, eventis studentala protesto en la placo Plaza de las Tres Culturas. La protesto divenis konocata kom Masakro en Tlateloco pro la morto di 300 studenti dum konfronti kontre la polico e l'armeo. Malgre la protesto, l'Olimpiala Komitato ne konsideris tra-strekizar la Ludi konsiderante la konfronto kom izolita incidento.
• Est- e West-Germania konkursis unesmafoye kom separita landi. Lo duris til l'Olimpiala Ludi en Seoul, 1988.
• Usana natisto Charles Hickcox ganis 3 ora medalii (200 metri, 400 metri e 4x100 metri mixurita) ed un arjenta medalio.

Medalii ganita

Hike esas la listo di landi qua recevis adminime 1 medalio en México ye 1968.

#	Lando	Ora	Arjenta	Bronza	Entote
1	Usa	45	28	34	107
2	Sovietia	29	32	30	91
3	Japonia	11	7	7	25
4	Hungaria	10	10	12	32
5	Est-Germania	9	9	7	25
6	Francia	7	3	5	15
7	Chekoslovakia	7	2	4	13
8	West-Germania	5	11	10	26
9	Australia	5	7	5	17
10	Unionita Rejio	5	5	3	13
11	Polonia	5	2	11	18
12	Rumania	4	6	5	15
13	Italia	3	4	9	16
14	Kenia	3	4	2	9
15	Mexikia	3	3	3	9
16	Yugoslavia	3	3	2	8
17	Nederlando	3	3	1	7
18	Belgia	2	4	3	9
19	Iran	2	1	2	5
20	Suedia	2	1	1	4
21	Turkia	2	0	0	2
22	Dania	1	4	3	8
23	Kanada	1	3	1	5
24	Finlando	1	2	1	4
25	Etiopia	1	1	0	2
25	Norvegia	1	1	0	2
27	Nova-Zelando	1	0	2	3
28	Tunizia	1	0	1	2
29	Pakistan	1	0	0	1
29	Venezuela	1	0	0	1
31	Kuba	0	4	0	4
32	Austria	0	2	2	4
33	Suisia	0	1	4	5
34	Mongolia	0	1	3	4
35	Brazilia	0	1	2	3
36	Belgia	0	1	1	2
36	Sud-Korea	0	1	1	2
36	Uganda	0	1	1	2
39	Kamerun	0	1	0	1
39	Jamaika	0	1	0	1
41	Arjentinia	0	0	2	2
42	Grekia	0	0	1	1
42	India	0	0	1	1
42	Taiwan	0	0	1	1
Totali		174	170	183	527