Baku

De Wikipedio
Jump to navigation Jump to search
Baku
Baku Montage.jpg
Kelk imaji pri Baku.
Baku fahne.png Baku seal.PNG
Flago di Baku Blazono di Baku
Lando: Flag of Azerbaijan.svg Azerbaijan
Informo:
Latitudo: 40°23′43″N
Longitudo: 49°52′56″E
Altitudo: -28 m
Surfaco: 285 km²
Habitanti: 2 374 000 (2014)
Denseso di habitantaro: 1,024.3 hab./km²
Horala zono: UTC+4
Urbestro: Hajibala Abutalybov
Mapo:
Mapo di Baku
Oficala retosituo:
www.baku-ih.gov.az
Baku, kun Kaspia.

Baku (Azerbaijana: Bakı) esas la chef-urbo e maxim populoza di Azerbaijan, ed anke la maxim populoza urbo di Kaspia. Segun statistiki de 2015, ol havis 2 374 000 habitanti. Ol havas entote 285 km², e jacas 28 metri sub la marala nivelo.

L'urbo esas la ciencala, kulturala ed industriala centro di Azerbaijan. Ol havas multa historiala monumenti, ed esas sideyo dil Universitato Statala di Azerbaijan, di la Nacional Akademio pri Cienci di Azerbaijan, e di multa teatri e muzei.

De 2006 Baku esabas la starto-punto por la petrolo-konduktilo Baku-Tiflis-Ceyhan qua transportas petrolo de Kaspia til Mediteraneo, tra Gruzia.

Geografio[redaktar | redaktar fonto]

Aeral imajo pri Baku.

Jacante an la westala rivo di Kaspia, Baku esas vicina di fanga vulkani (exemple: Keyraki, Bogkh-bogkha, Lokbatan ed altri), e di saloza lagi, exemple Boyukshor e Khodasan. Lua reliefo ordinare esas plana.

La klimato dil urbo esas miarida e moderema (BSk segun la klimatala klasifikuro di Köppen). La mezavalora temperaturo en februaro (vintro) esas 4,2°C, dum ke la mezavalora temperaturo en julio (somero) esas 26,4°C. Dum la Sovietian epoko, Baku esis populara destino turistala, pro lua multa sunoza e varma dii e sika klimato. Altralatere, l'industrial agado dum la sama epoko kontaminis multa loki.

La mezavalora yarala pluvozeso esas 210 mm, e la maxim pluvoza monato esas novembro, kun mezavalore 30 mm. La maxim sika monato esas julio: lua pluvozeso esas mezavalore 2 mm omnayare.

Referi[redaktar | redaktar fonto]