Historio di Turkmenistan

De Wikipedio
Persian imperio, cirkume 500 aK.

Restaji de bronz-epoko e de fer-epoko suportas l'ideo ke la nuna Turkmenistan habitesis da tale-nomizita "civilizuro Oxus" o "civilizuro Baktria-Margiana", qua habitis Central Azia de cirkume 2400 aK til 1900 aK. Cirkume 2000 aK, Indo-Europana populi koloniigis la regiono. Dum la 8ma yarcento aK, tribui Oghuz diplasis de Mongolia vers la nuna teritorio di Turkmenistan. Dum la 4ma yarcento aK, Alexandros la Magna konquestis la regiono, lor aparteninta a Persian imperio. Segun legendo, ilu vizitis l'urbo Merv, fondita dum la 6ma yarcento aK dal populo Akemida, dum lua konquesto di Persia en 330 aK. Tamen, til nun ne trovesis restaji pri ta vizito. Pos la morto di Alexandros lua imperio krulis e la regiono administresis da Seleucidi, Partiani e, pos la yaro 224 da Sasanidi, qui lor administris Persia.

Dum la fino dil 7ma e komenco dil 8ma yarcento, Arabi konquestis la regiono ed introduktis Mohamedana religio. La regiono divenis parto di Islamala Kalifio, e dividesis en du provinci, Mawara'un Nahr and Khorasan. Uthman ibn Affan konquestis Merv, qua divenis chefurbo di Khorasan. Dum la 13ma yarcento Mongoli komandita da Chingiz-kano konquestis la regiono. Pos la fino di Mongola imperio diversa autonoma stati aparis en la regiono.

Rusi atakas karavano di Turkmenistanani en 1873.

Rusi komencis kontakti kun Turkmenistanani dum la 18ma yarcento. En 1894 Rusa imperio ja kontrolis la teritorio. Pos la Rusa revoluciono di 1917 Sovietia prenis kontrolo di la regiono. Dum Sovietian epoko, komencis l'exploto di petrolo e l'irigaco e kultivo di kotono en la regiono expansesis.

Turkmenistan nedependanteskis de Sovietia erste la 27ma di oktobro 1991. La sama yaro, Turkmenistan eniris la KNS.

L'ex-chefo di Republiko Socialista Sovietiana Turkmenistan, Saparmurat Niyazov, restis en la povo til lua morto ye la 21ma di decembro 2006. La sequanta yaro, en elekto eventita ye la 11ma di februaro, Gurbanguly Berdimuhamedow elektesis por sucedar ilu. Berdimuhamedow asumis la povo ye la 14ma di februaro 2007.