Olimpiala Ludi en Paris, 1924
L'Olimpiala Ludi en Paris, 1924 od oficale la 8ma Olimpiala Ludi esis internaciona plur-sporta konkurso qua eventis en 1924 en Paris, Francia. Lore duesma-foye moderna Olimpiala Ludi eventis en Paris, le unesma eventabis en 1900.
La Ludi komencis ye la 4ma di mayo e finis ye la 27ma di julio 1924. Partoprenis 3.089 atleti (135 mulieri e 2.954 viri) de 44 landi. Esis 126 eventi di 17 sporti.
Paris ganis la konkurso kontre Amsterdam, Berlin, Los Angeles, Rio de Janeiro e Roma. Esis la lasta Olimpiala Ludi preparita da Pierre de Coubertin.
Kelka fakti
[redaktar | redaktar fonto]
- L'inauguro-ceremonio eventis en la stadio di Colombes, qua havis kapaceso por 45.000 personi en 1924.
- L'olimpiala devizo Citius, Altius, Fortius ("plu rapide, plu alte, plu forte") uzesis unesmafoye.
- Johnny Weissmüller (qua pose esis l'aktoro qua interpretis Tarzan en cinemo) ganis 3 ora medalii por natado. Usana Duke Kahanamoku - Havayiano qua pose konsideresis "la patro di surfo* - ganis arjenta medalio por 100-metra mixita stilo.
- Paavo Nurmi de Finlando ganis ora medalio en la 1.500 e 5.000 metri. Ville Ritola ganis ora medalio en la 10.000 metri ed en la 3.000- metra obstaklo-kuro, ed arjenta en la 5.000 metri. Albin Stenroos ganis ora medalio en maratono. La 3 atleti divenis konocata kom la fluganta Finlandani.
- 24 viri ganis 10 punti po gimnastiko-prizentadi konsiderita perfekta.
- Franca skermisto Roger Ducret ganis 5 medalii, di qui 3 esis ora.
- La disto por la maratono-konkurso fixigesis ye 42 kilometri e 195 metri.
- Uruguay, Haiti, Equador, Irlando, Polonia, Lituania, Latvia e Filipini partoprenis unesmafoye en ta yaro. Chinia, quankam invitita, ne partoprenis.
- Uruguayana esquado ganis ora medalio por futbalo.
Medalii ganita
[redaktar | redaktar fonto]
Yen la listo di landi qui recevis adminime 1 bronza medalio en Paris en 1924.
| # | Lando | Ora | Arjenta | Bronza | Entote |
|---|---|---|---|---|---|
| 1 |  Usa | 45 | 27 | 27 | 99 |
| 2 |  Finlando | 14 | 13 | 10 | 37 |
| 3 |  Francia | 13 | 15 | 10 | 38 |
| 4 |  Unionita Rejio | 9 | 13 | 12 | 34 |
| 5 |  Italia | 8 | 3 | 5 | 16 |
| 6 |  Suisia | 7 | 8 | 10 | 25 |
| 7 |  Norvegia | 5 | 2 | 3 | 10 |
| 8 |  Suedia | 4 | 13 | 12 | 29 |
| 9 |  Nederlando | 4 | 1 | 5 | 10 |
| 10 |  Belgia | 3 | 7 | 3 | 13 |
| 11 |  Australia | 3 | 1 | 2 | 6 |
| 12 |  Dania | 2 | 5 | 2 | 9 |
| 13 |  Hungaria | 2 | 3 | 4 | 9 |
| 14 |  Yugoslavia | 2 | 0 | 0 | 2 |
| 15 |  Chekoslovakia | 1 | 4 | 5 | 10 |
| 16 |  Arjentinia | 1 | 3 | 2 | 6 |
| 17 |  Estonia | 1 | 1 | 4 | 6 |
| 18 |  Sudafrika | 1 | 1 | 1 | 3 |
| 19 |  Uruguay | 1 | 0 | 0 | 1 |
| 20 |  Austria | 0 | 3 | 1 | 4 |
| 20 |  Kanada | 0 | 3 | 1 | 4 |
| 22 |  Polonia | 0 | 1 | 1 | 2 |
| 23 |  Haiti | 0 | 0 | 1 | 1 |
| 23 |  Japonia | 0 | 0 | 1 | 1 |
| 23 |  Nova-Zelando | 0 | 0 | 1 | 1 |
| 23 |  Portugal | 0 | 0 | 1 | 1 |
| 23 |  Rumania | 0 | 0 | 1 | 1 |
| Totali | 126 | 127 | 125 | 378 | |