Olimpiala Ludi en Moskva, 1980

De Wikipedio
Irez ad: pilotado, serchez
L'Olimpiala Flago.

L'Olimpiala Ludi en Moskva, 1980, od oficale 22ma Olimpiala Ludi, esis internaciona poli-sportala konkurso qua eventis ye 1980 en Moskva, Sovietia. Ol esis l'unesma foyo kande komunista lando hostis Olimpiala Ludi.

La Ludi komencis ye 19 di julio e finis ye 3 di agosto 1980. En la Ludi partoprenis 5.179 atleti (4.064 viri e 1.115 mulieri)[1] de 80 landi[1] e teritorii qui havis Olimpiala komitati. Okuris 203 eventi de 21 sporti.

Selekto dil urbo[redaktar | edit source]

Edifici de l'Olimpiala Vilajo, en Moskva. Fotografiita ye 2004.

Ye 23 di oktobro 1974 elektesis la eventeyo di L'Olimpiala Ludi ye 1980. Moskva ganis la disputo kontre Los Angeles, Usa.

Kandidata urbi por Olimpiala Ludi 1980: rezulti
Urbo 1ma baloto
Moskva, Flag of the Soviet Union.svg Sovietia 39
Los Angeles, Flag of the United States.svg Usa 20

Kelka fakti[redaktar | edit source]

Landi qua boikotis le Ludi: ye 1976 (en flava); ye 1980 en Moskva - (en blua); ed 1984 (en reda).
  • Usa ed altra 60 landi boikotis le Ludi. Usa e la majoritato por l'invado di Afganistan da Sovietia, e kelka landi por ekonomiala kauzi. Taiwan anke boikotis, ma ne por l'invado di Afganistan: lando nur aceptis esar nomita "Chinia-Taipei".
  • 21% di l'atleti esis mulieri, la maxim alta procento til ta dato.
  • Sen la partopreno di Usa, Italia ganis 4 foyi lua totalo ganita en Montreal, e Francia ganis 3 foyi lua totalo. Malgre ta, Italiani e Franciani konkuris sub l'Olimpiala Flago, ne sub lua nacionala flagi.
  • 36 mondala rekordi, 39 Europana rekordi e 74 olimpiala rekordi esis establisita.
  • Belgiana princulo Alexandre de Merode afirmis: "On facis 9.292 testi por detektar dopado. Nula esis pozitiva".
  • 8 landi konkuris por unesma foyo: Angola, Vietnam, Botswana, Laos, Nikaragua, Seycheli, Mozambik e Chipro. Anciena Rhodezia aparis kun lua nuna nomo: Zimbabwe.
  • 5 milioni spekteri regardis le Ludi, 1,5 milioni plu kam Montreal.
  • Kande le Ludi finis, la flago di Los Angeles esis levita, ne la flago di Usa.
  • Segun l'Internaciona Komitato por l'Olimpiala Ludi (IOC), Sovietia spensis 862,7 milioni di rubli, e lando recevis 744,8 milioni di rubli.
  • L'urso Misha esis la simpatiinda talismano di le Ludi.
  • En un kontesto di remobatelo por du personi, le du championi (de Sovietia) e le du vicechampioni (de Est-Germania) esis identa jemeli.

Medalii ganita[redaktar | edit source]

Maratono cirkum la Kremlin.

Hike esas la listo di landi qua recevis adminime 1 medalio en Moskva ye 1980.

# Lando Ora Arjenta Bronza Entote
1 Flag of the Soviet Union.svg Sovietia 80 69 46 195
2 Flag of East Germany.svg Est-Germania 47 37 42 126
3 Flag of Bulgaria.svg Bulgaria 8 16 17 41
4 Flag of Cuba.svg Kuba 8 7 5 20
5 Flag of Italy.svg Italia 8 3 4 15
6 Flag of Hungary.svg Hungaria 7 10 15 32
7 Flag of Romania.svg Rumania 6 6 13 25
8 Flag of France.svg Francia 6 5 3 14
9 Flag of the United Kingdom.svg Unionita Rejio 5 7 9 21
10 Flag of Poland.svg Polonia 3 14 15 32
11 Flag of Sweden.svg Suedia 3 3 6 12
12 Flag of Finland.svg Finlando 3 1 4 8
13 Flag of Czechoslovakia.svg Chekoslovakia 2 3 9 14
14 SFRY flag large.png Yugoslavia 2 3 4 9
15 Flag of Australia.svg Australia 2 2 5 9
16 Flag of Denmark.svg Dania 2 1 2 5
17 Flag of Brazil.svg Brazilia 2 0 2 4
17 Flag of Ethiopia.svg Etiopia 2 0 2 4
19 Flag of Switzerland.svg Suisia 2 0 0 2
20 Flag of Spain.svg Hispania 1 3 2 6
21 Flag of Austria.svg Austria 1 2 1 4
22 Flag of Greece.svg Grekia 1 0 2 3
23 Flag of Belgium.svg Belgia 1 0 0 1
23 Flag of India.svg India 1 0 0 1
23 Flag of Zimbabwe.svg Zimbabwe 1 0 0 1
26 Flag of North Korea.svg Nord-Korea 0 3 2 5
27 Flag of Mongolia.svg Mongolia 0 2 2 4
28 Flag of Tanzania.svg Tanzania 0 2 0 2
29 Flag of Mexico.svg Mexikia 0 1 3 4
30 Flag of the Netherlands.svg Nederlando 0 1 2 3
31 Flag of Ireland.svg Irlando 0 1 1 2
32 Flag of Uganda.svg Uganda 0 1 0 1
32 Flag of Venezuela.svg Venezuela 0 1 0 1
34 Flag of Jamaica.svg Jamaika 0 0 3 3
35 Flag of Guyana.svg Guyana 0 0 1 1
35 Flag of Lebanon.svg Libano 0 0 1 1
Totali 204 204 223 631

Referi[redaktar | edit source]

  1. 1.0 1.1 Moscow 1980